نیویارک میں منعقدہ گریویارڈ گالا کے دوران لیڈی گاگا نے اعلان کیا کہ وہ نیٹ فلکس کے مقبول شو ویڈنسڈے کے دوسرے سیزن کے حصے دوم کے لیے خصوصی گیت ’دی ڈیڈ ڈانس‘ ریلیز کریں گی۔
یہ بھی پڑھیں:لیڈی گاگا کی منگنی کی افواہیں سرگرم
یہ ایونٹ جمعرات کو Guastavino’s میں منعقد ہوا، جس میں کاسٹ اور شائقین بڑی تعداد میں شریک ہوئے۔
لیڈی گاگا کا نیا کردار
اس بار لیڈی گاگا نہ صرف گلوکارہ کے طور پر جلوہ گر ہوں گی بلکہ ڈرامے میں ایک منفرد کردار بھی ادا کریں گی۔
وہ نیورمور اکیڈمی کی پروفیسر روزالین روٹ وُڈ کا کردار نبھا رہی ہیں، جو اپنی پراسرار شخصیت کے باعث طلبہ اور ناظرین کے لیے خاص دلچسپی کا باعث بنیں گی۔
جینا اورٹیگا کا ردِعمل
مرکزی کردار ’ویڈنسڈے ایڈمز‘ ادا کرنے والی اداکارہ جینا اورٹیگا نے کہا کہ لیڈی گاگا کو قریب سے کام کرتے دیکھنا ایک غیر حقیقی تجربہ ہے۔ وہ وہی کر رہی ہیں جس کے لیے پیدا ہوئی ہیں۔
ایونٹ میں جینا اورٹیگا سرمئی لمبا گاؤن پہن کر شریک ہوئیں جبکہ لیڈی گاگا نے سیاہ لباس اور بڑی ہیٹ کے ساتھ اپنا منفرد انداز اپنایا۔
سیزن 2 کی جھلکیاں
سیریز کا دوسرا سیزن جادوئی اور پراسرار رنگ لیے ہوئے ہے، جس میں ویڈنسڈے ایڈمز اپنے اسکول نیورمور اکیڈمی میں نت نئے معمہ حل کرتی نظر آئیں گی۔ حصہ دوم 3 ستمبر 2025 کو ریلیز ہوگا۔
دیگر کاسٹ
اس سیزن میں گوینڈولین کرسٹی، ہنٹر ڈوہان، ایما مائرز، کیتھرین زیٹا جونز، لوئز گزمین اور آئزک اورڈونیز بھی اہم کرداروں میں شامل ہیں۔
یاد رہے کہ ’ویڈنسڈے‘ نیٹ فلکس کی سب سے زیادہ دیکھی جانے والی نوجوان ناظرین کی سیریز میں شمار ہوتی ہے۔
پہلے سیزن کی مقبولیت کے بعد مداحوں کو سیزن 2 کا شدت سے انتظار ہے، اور اب لیڈی گاگا کے گانے اور کردار کے باعث اس کی مقبولیت مزید بڑھنے کی توقع ہے۔
