پاکستان اور سعودی عرب کے درمیان ہونے والے دفاعی معاہدے کو خوش آئند اور تاریخی قرار دینے کی قرارداد پنجاب اسمبلی میں جمع کرا دی گئی۔
The Crown Prince and Prime Minister of the Kingdom of Saudi Arabia H.R.H. Muhammad bin Salman bin Abdulaziz Al Saud and Prime Minister Muhammad Shehbaz Sharif exchange the documents of the Strategic Mutual Defense Agreement (SMDA) in Riyadh.#PMShehbazInKSA… pic.twitter.com/hJSft3GnyG
— Government of Pakistan (@GovtofPakistan) September 17, 2025
یہ قرارداد مسلم لیگ (ن) کی رکن حنا پرویز بٹ کی جانب سے جمع کروائی گئی ہے۔ قرارداد کے متن میں کہا گیا ہے کہ یہ ایوان دونوں برادر ممالک کو اس معاہدے پر دلی مبارکباد پیش کرتا ہے اور اس بات پر فخر کرتا ہے کہ حرمین شریفین کے تحفظ کی ذمہ داری پاک فوج کے حصے میں آئی ہے۔
قرارداد میں اس عزم کا اظہار کیا گیا ہے کہ پاک فوج ایمان، اخلاص اور جذبے کے ساتھ یہ فریضہ ادا کرے گی۔ ایوان نے یہ بھی باور کرایا کہ پاکستان اور سعودی عرب کا دفاعی اتحاد امت مسلمہ کے اتحاد کا ضامن ہوگا اور یہ اشتراک علاقائی استحکام کے لیے سنگ میل ثابت ہوگا۔
قرارداد کے آخر میں نعرہ درج کیا گیا:پاک فوج زندہ باد، پاک۔سعودی دوستی پائندہ باد۔
