پاکستان کرکٹ ٹیم کے سابق کپتان شاہد آفریدی نے بھارتی آل راؤنڈر عرفان پٹھان کے بیانات پر سخت ردعمل دیا ہے۔
نجی ٹی وی کے شو میں گفتگو کرتے ہوئے شاہد آفریدی نے کہا کہ عرفان پٹھان اگر واقعی مرد کا بچہ ہے تو سامنے آ کر بات کرے تاکہ جواب بھی دیا جا سکے۔
انہوں نے مزید کہا کہ عرفان پٹھان پاکستان کے خلاف بول کر اپنی وفاداری ثابت کرتا رہے گا، لیکن ایسے بیانات سے نہ پاکستان کرکٹ متاثر ہوگی اور نہ ہی عوام کا جذبہ کم ہوگا۔
شاہد آفریدی کا عرفان پٹھان کو جواب
مرد کا بچہ ہے تو آمنے سامنے بات کر تاکہ جواب بھی دیا جاسکے ۔
عرفان پٹھان پاکستان کے خلاف بول کر اپنی loyalty ثابت کرتا رہے گا pic.twitter.com/wk22LPHGif
— Raja Asim (@rajaasim313) September 19, 2025
اس حوالے سے پاکستان کے ایک اور سابق کپتان محمد یوسف نے بھی عرفان پٹھان کے بیان پر شدید ردعمل دیا۔
مزید پڑھیں: آئی پی ایل نے عرفان پٹھان کو کمنٹری پینل سے باہر کیوں کردیا؟ اہم وجہ سامنے آگئی
سماجی رابطے کی سائٹ ’ایکس‘ پر اپنے بیان میں محمد یوسف نے کہا کہ کھیل میں شائستگی اور احترام کو ہر حال میں مقدم رکھا جانا چاہیے۔ انہوں نے سوال اٹھایا کہ بھارتی میڈیا اور عوام نے عرفان پٹھان کے اس بیان پر داد کیوں دی جس میں انہوں نے شاہد آفریدی کے بارے میں غیرشائستہ زبان استعمال کی۔
I didn’t mean any disrespect to any sportsman who plays for his country with passion and grace, but why were the Indian media and people praising Irfan Pathan when he said that Shahid Khan Afridi was barking like a dog? Shouldn’t that have been rejected by everyone who talks…
— Mohammad Yousaf (@yousaf1788) September 16, 2025
محمد یوسف نے کہا کہ ایسے الفاظ کبھی تعریف کے قابل نہیں ہو سکتے بلکہ انہیں مسترد کیا جانا چاہیے، کیونکہ وقار، عزت اور کھیل کی اصل روح باہمی احترام ہی ہے۔
ان کا مزید کہنا تھا کہ کھلاڑی میدان میں اپنے ملک کی نمائندگی کرتے ہیں، اس لیے ان کے رویے میں وقار اور تحمل جھلکنا چاہیے۔
