اینٹی نارکوٹکس فورس کی کراچی میں اہم اور بڑی کارروائی میں نائیجیریا کے لیے بک کرائے گئے کنٹینر سے کثیر مالیت کی ایک کروڑ 82 لاکھ 57 ہزار 700 نشہ آور گولیاں برآمد کر لی گئیں۔
ترجمان اے این ایف کے مطابق خفیہ اطلاع پر ساؤتھ ایشیا پاکستان ٹرمینل پر مشکوک کنٹینر کو روک لیا گیا تھا جسے لاگوس (نائیجیریا) کے لیے بُک کروایا گیا تھا، دوران تلاشی کنٹینر سے بھاری مقدار میں مختلف اقسام کی ایک کروڑ 82 لاکھ 57 ہزار 700 نشہ آور گولیاں برآمد ہوئیں۔
تحقیقات کے بعد لیاری کے رہائشی ملزم کو گرفتار کر لیا گیا ہے جبکہ مزید گرفتاریوں کی توقع بھی ہے۔ انسدادِ منشیات ایکٹ کے تحت مقدمہ درج کرکے مزید تفتیش کی جا رہی ہے۔
