دہائیوں کی تاخیر کے بعد ممبئی کو دوسرا بین الاقوامی ایئرپورٹ مل گیا۔
یہ بھی پڑھیں: 61 سال پہلے ممبئی آکر بے گھر اور بھوکا رہا، جاوید اختر کا اپنے کیرئر کے بارے میں جذباتی پیغام
سی ای این کے مطابق ناوی ممبئی انٹرنیشنل ایئرپورٹ نے پہلی مرحلے میں سالانہ 20 ملین مسافروں کی گنجائش کے ساتھ کام شروع کر دیا ہے جس سے ممبئی کے پرانے چترپتی شیو جی مہاراج ایئرپورٹ پر دباؤ کم ہو گا۔
یہ منصوبہ پہاڑوں کو ہموار کرنے، دریاوں کو موڑنے اور پل بنانے کے پیچیدہ کاموں کے بعد مکمل ہوا ہے۔
19،650 کروڑ کی لاگت سے تعمیر کیا گیا یہ ممبئی کا دوسرا بین الاقوامی ہوائی اڈہ ہے۔ اس کا نام ڈی بی پاٹل نوی ممبئی انٹرنیشنل ایئرپورٹ رکھا گیا ہے جو مہاراشٹر کے کسان رہنما تھے۔
مزید پڑھیے: بھارتی مسافر کا ’یادگار‘ ہوائی سفر، ممبئی سے بنگلورو تک وقت بیت الخلا میں گزرا
سنہ 2032 تک یہاں 4 ٹرمینلز بنائے جائیں گے جو سالانہ 90 ملین مسافروں کی سہولت دیں گے جس سے ممبئی دنیا کے بڑے ہوائی اڈوں کی صف میں شامل ہو جائے گا۔
بھارت میں ایئرپورٹس کی تعداد 160 ہوگئی
وزیر اعظم نریندر مودی نے بدھ کو ایئرپورٹ کا افتتاح کیا۔
اس موقعے پر خطاب کرتے ہوئے انہوں نے کہا کہ بھارت میں ایئرپورٹس کی تعداد 74 سے بڑھ کر 160 ہو گئی ہے۔
مزید پڑھیں: ممبئی: بارش کا پانی امیتابھ بچن کے بنگلے میں بھی داخل، احاطہ ٹخنوں تک بھر گیا
انہوں نے بتایا کہ اس نئے ایئرپورٹ سے مہاراشٹرا کے کسان اور ماہی گیر عالمی منڈیوں سے بہتر روابط قائم کر سکیں گے۔
