وفاقی دارالحکومت اسلام آباد میں منگل کے روز ڈسٹرکٹ اینڈ سیشنز کورٹ کے باہر خودکش دھماکے کے نتیجے میں 12 افراد جاں بحق اور متعدد زخمی ہو گئے۔ زخمیوں کو فوری طور پر پمز اسپتال منتقل کیا گیا، جہاں ان کا علاج جاری ہے۔
دھماکے کے نتیجے میں زخمی ہونے والے افراد کی مدد کرنے والے ایک نوجوان کی ویڈیو بھی سوشل میڈیا پر وائرل ہو رہی ہے۔ جس میں دھماکے کے بعد زخمیوں کو اسپتال منتقل کرنے میں مدد کرنے والے ایک نوجوان کی بہادری دکھائی گئی ہے۔
اسلام آباد کچہری میں خودکش دھماکہ کے بعد کچہری کنٹین پر کام کرنے والے ویٹر اسد نے بہادری کی مثال بن گیا ، اسد دھماکہ کے وقت کنٹیں پر مصروف تھا دھماکے کی آواز سن کر فوراً سے انٹری گیٹ پر پہنچا جب لوگ سر خود کے باعث باہر بھاگ رہے تھے ویٹر اسد کی جانب سے زخمیوں کو اٹھایا جا رہا تھا… pic.twitter.com/Zpm2xotk76
— Saqib Bashir (@saqibbashir156) November 12, 2025
کہا جا رہا ہے کہ کچہری کی کینٹین میں کام کرنے والے اسد دھماکے کے وقت اپنے کام میں مصروف تھے۔ دھماکے کی آواز سن کر وہ فوراً انٹری گیٹ کی جانب پہنچے اور زخمیوں کو اٹھا کر محفوظ مقام پر منتقل کیا۔
اسد نے ریسکیو ٹیم کے پہنچنے سے پہلے اور بعد میں زخمیوں کی اسپتال منتقلی میں فعال کردار ادا کیا، جس پر سوشل میڈیا صارفین نے ان کی بہادری کو سراہا ہے۔ صارفین کا کہنا ہے کہ اسد جیسے نوجوانوں کو ان کی خدمات کے اعتراف میں ایوارڈز دیے جانے چاہئیں تاکہ ان کی حوصلہ افزائی ہو۔
