عیدالاضحٰی کے موقع پر نمائش کے لیے متوقع فلم ’وی آئی پی‘ کا ٹریلر ریلیز کر دیا گیا ہے۔
ٹریلر کی تقریب اجرا گزشتہ روز کراچی کے مقامی سینما میں ہوئی جہاں بڑی تعداد میں فن کار شریک ہوئے، جن میں ہدایت کار اور اداکار جاوید شیخ، فلم ساز فضہ علی مرزا، ہدایت کار نبیل قریشی، ہدات کار ندیم بیگ اور دیگر شامل تھے۔
بڑی عید پر ریلیز ہونے والی تفریحی فلم ’وی آئی پی‘ میں نئے اداکاروں زیک اور نمرہ شاہد کو مرکزی کرداروں میں متعارف کروایا گیا ہے۔
فلم ’وی آئی پی‘ کی دیگر کاسٹ میں سلیم معراج، احتشام الدین، سیف حسن، اختر حسنین، گل رعنا، عرفان موتی والا، اکبر اسلام، دانش نواز اور دیگر شامل ہیں۔
فلم کی کہانی سیاسی منظر نامے کے گرد گھومتی ہے جس میں میئر کا انتخاب، جھوٹے سیاسی وعدے اور سیاسی رسہ کشی کی جھلک مزاحیہ انداز میں پیش کی گئی ہے۔
یہ فلم عیدلاضحٰی کے موقع پرسینما گھروں میں ریلیز کی جائے گی۔
