پاکستان کے ایتھلیٹ اولمپیئن ارشد ندیم نے اسلامی یکجہتی گیمز میں جیولن تھرو کے فائنل میں لمبی تھرو کرکے ملک کے لیے ایک اور گولڈ میڈل حاصل کیا ہے۔
ارشد ندیم نے فتح کے بعد سوشل میڈیا پلیٹ فارم ایکس پر کہا کہ الحمدللہ، خوش ہوں کہ پاکستان کے لیے ایک اور گولڈ میڈل اپنے نام کیا، سرجری کے بعد مکمل صحت حاصل کرنے کے لیے اب بھی سخت محنت کر رہا ہوں، لیکن جیتنے کی لگن برقرار ہے۔ آئندہ مقابلوں میں بھی مزید کامیابیاں آئیں گی، ان شا اللہ۔
Alhamdulillah, grateful to bring home another gold for Pakistan! Still working hard to get back to 100% after surgery, but the hunger to win remains! More to come in the next tournaments, Insha’Allah! pic.twitter.com/oJPh5Jtg5d
— Arshad Nadeem (@ArshadOlympian1) November 19, 2025
سعودی عرب میں منعقدہ اسلامی یکجہتی گیمز میں ارشد ندیم نے جیولن تھرو کے فائنل میں سب سے دور تھرو کرکے ملک کے لیے گولڈ میڈل جیتا۔ فائنل میں 7 ایتھلیٹس شریک تھے۔
ارشد ندیم نے پہلی تھرو میں 75.44 میٹر، دوسری میں 83.5 میٹر، تیسری میں 82.48 میٹر اور چوتھی میں 77.6 میٹر کی دوری طے کی۔ پاکستان کے محمد یاسر نے دوسری پوزیشن حاصل کرکے چاندی کا تمغہ جیتا، جن کی بہترین تھرو 74.40 میٹر رہی۔
View this post on Instagram
ارشد ندیم نے سرجری کے بعد محنت جاری رکھتے ہوئے یہ کامیابی حاصل کی اور کہا کہ آئندہ مقابلوں میں بھی وہ ملک کے لیے مزید کامیابیاں لانے کے لیے پرعزم ہیں۔
