اسٹریمنگ کی دنیا کی سب سے بڑی کمپنی نیٹ فلکس نے فلم اور ٹی وی کے بڑے اسٹوڈیو وارنر برادرز ڈسکوری کو تقریباً 83 ارب ڈالر میں خریدنے پر اتفاق کر لیا۔
یہ بھی پڑھیں: فلموں کے ساتھ اب گیمز بھی، نیٹ فلکس پر نیا فیچر متعارف
دونوں امریکی کمپنیوں نے یہ اعلان جمعے کے روز کیا۔ یہ معاہدہ نیٹ فلکس کو وارنر برادرز کے وسیع فلمی ذخیرے کے ساتھ ساتھ معروف اسٹریمنگ سروس ایچ بی او میکس تک رسائی فراہم کرے گا۔ یہ انٹرٹینمنٹ انڈسٹری میں سنہ 2019 میں ڈزنی کی 71 ارب ڈالر میں فاکس کی خریداری کے بعد سب سے بڑا انضمام ہے۔
معاہدے کی مالی تفصیلات
معاہدے کے تحت وارنر برادرز ڈسکوری کی قدر 27.75 ڈالر فی شیئر لگائی گئی ہے جس کے مطابق کمپنی کی مجموعی ایکویٹی ویلیو تقریباً 72 ارب ڈالر بنتی ہے جبکہ قرض سمیت اس کی مجموعی ویلیو 82.7 ارب ڈالر تک پہنچتی ہے۔
مزید پڑھیے: نیٹ فلکس سیریز میں ’سطحی‘ کام کرنے پر میگھن مارکل پر تنقید
وارنر برادرز ڈسکوری کے شیئرز جمعرات کو نیس ڈیک پر 24.54 ڈالر پر بند ہوئے۔
وارنر برادرز کی فلمی وراثت
وارنر برادرز نے کئی دہائیوں میں مشہور کلاسک فلمیں جیسے کاسا بلانکا اور سیٹیزن کین پروڈیوس کیں جبکہ حالیہ برسوں میں عالمی سطح پر کامیاب سیریز اور فلمیں جیسے گیمز آف تھرونز اور ہیری پوٹر بھی شامل ہیں۔
نیٹ فلکس کی جانب سے ردعمل
نیٹ فلکس کے شریک سی ای او ٹیڈ سارینڈوس نے کہا کہ ہم مل کر دنیا بھر کے ناظرین کو وہ سب کچھ دے سکیں گے جو وہ پسند کرتے ہیں اور کہانی سنانے کے اگلے 100 سال کی نئی سمت طے کریں گے۔
وارنر برادرز ڈسکوری کا بیان
کمپنی کے صدر اور سی ای او ڈےویڈ زیسلاو نے کہا کہ آج کا اعلان دنیا کی 20 بہترین کہانی سنانے والی کمپنیوں کو ایک جگہ لے آتا ہے۔
معاہدہ کب مکمل ہوگا؟
دونوں کمپنیوں کے بورڈز نے اس ٹرانزیکشن کی متفقہ منظوری دے دی ہے۔ معاہدہ آئندہ 12 سے 18 ماہ میں مکمل ہونے کی توقع ہے۔
