سڈنی ساحل پر فائرنگ کے بعد ایشز سیریز کے لیے سیکیورٹی سخت کر دی گئی

پیر 15 دسمبر 2025
icon-facebook icon-twitter icon-whatsapp

سڈنی کے بوندی ساحل پر ہونے والے ہلاکت خیز دہشتگرد حملے کے بعد آسٹریلیا اور انگلینڈ کے درمیان ایشز سیریز کے تیسرے ٹیسٹ میچ کے لیے سیکیورٹی سخت کر دی گئی ہے۔

حکام کے مطابق ایڈیلیڈ اوول میں اضافی پولیس نفری، مسلح سیکیورٹی یونٹس اور چیک پوائنٹس تعینات کیے جائیں گے۔

تیسرا ایشز ٹیسٹ 17 دسمبر سے ایڈیلیڈ میں شروع ہو رہا ہے۔ جنوبی آسٹریلیا کے وزیراعلیٰ پیٹر ملیناؤسکس نے میڈیا سے گفتگو کرتے ہوئے کہا کہ اگرچہ کسی مخصوص خطرے کی اطلاع نہیں، تاہم بوندی واقعے کے بعد احتیاطی تدابیر کے تحت سیکیورٹی بڑھا دی گئی ہے۔

پولیس کمشنر گرانٹ اسٹیونز کے مطابق سیکیورٹی ریسپانس سیکشن (SRS) کے خصوصی تربیت یافتہ اہلکار ایڈیلیڈ اوول اور اطراف میں تعینات ہوں گے۔ یہ اہلکار بلٹ پروف جیکٹس، رائفلز اور دیگر حفاظتی سازوسامان سے لیس ہوتے ہیں۔

حکام کا کہنا ہے کہ اضافی چیک پوائنٹس، بڑھتی ہوئی پولیس موجودگی اور ہجوم کے بہتر انتظامات کے ذریعے کھلاڑیوں اور شائقین کے تحفظ کو یقینی بنایا جائے گا۔ پولیس نے واضح کیا ہے کہ سیکیورٹی سخت ہونے کے باوجود تماشائی ایک محفوظ اور منظم میچ سے لطف اندوز ہو سکیں گے۔

ادھر وزیر اعلیٰ نے بوندی حملے کے تناظر میں یہودی برادری سے یکجہتی کا اظہار کرتے ہوئے مکمل تعاون کی یقین دہانی کرائی ہے۔ کرکٹ آسٹریلیا اور انگلینڈ اینڈ ویلز کرکٹ بورڈ نے بھی مشترکہ بیان میں حملے پر گہرے دکھ کا اظہار کیا۔

ایڈیلیڈ اوول میں پرچم سرنگوں کر دیے گئے ہیں جبکہ بدھ کو میچ کے آغاز سے قبل متاثرین کے لیے خراجِ عقیدت پیش کیے جانے کا امکان ہے۔

واضح رہے کہ آسٹریلیا کو ایشز سیریز میں 2-0 کی برتری حاصل ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

تربیلا ڈیم سے دریائے سندھ میں پانی کے اخراج میں اضافے کا امکان، پی ڈی ایم اے کا الرٹ جاری

تربیلا ٹی 5 منصوبے کا حفاظتی بند ٹوٹ گیا، تعمیراتی کام غیر معینہ مدت کے لیے معطل

ٹائیٹینک کے ڈوبنے سے 19 روز پہلے کا انشورنس دستاویز نیلامی کے لیے پیش

موبائل فون سے سم کارڈ نہ نکالنا برطانوی فوجی کو مہنگا پڑگیا، نازیبا تصاویر کے ذریعے بلیک میلنگ

پرانی یادیں تازہ: سونی نے سال 1979 کے مشہور واک مین ہیڈفونز نئے انداز میں متعارف کرادیے

ویڈیو

اقبال کے کلام اور فکر کو آگے بڑھانے کی ضرورت ہے، ڈاکٹر بصیرہ عنبرین

16 برس قبل تباہ ہونے والا اسکول پی ٹی آئی حکومت 13 برس میں تعمیر نہ کرسکی

اسلام آباد کی سڑکوں پر چلتی پھرتی کافی شاپ، آنکھوں میں بڑے خواب سجائے نوجوان کی دلچسپ کہانی

کالم / تجزیہ

اقبال اور سعودی عرب

ہارا ہوا ٹرمپ کیا کرے گا؟

انور مسعود کی دیوارِ گریہ