پاکستان تحریک انصاف کے بانی اور سابق وزیراعظم عمران خان کی جیل سے منسوب ایک تصویر سوشل میڈیا پر وائرل ہو رہی ہے، جس میں انہیں پولیس اہلکاروں کی موجودگی میں ورزش کرتے ہوئے دیکھا جا سکتا ہے۔
اس حوالے سے بانی پی ٹی آئی کی بہن علیمہ خان نے تصویر کی تصدیق کرتے ہوئے کہا ہے کہ وائرل ہونے والی تصویر مصنوعی ذہانت (اے آئی) سے تیار کردہ نہیں بلکہ عمران خان کی اصل تصویر ہے۔
عمران خان کی یہ تصویر اصلی ہے۔ میں نے جب وہ تصویر دیکھی تو میں نے کسی کو بھیجی کہ کہیں یہ AI تو نہیں کیوں کہ یہ لگ عمران خان ہی رہے ہیں۔ مجھے یقین ہے کہ وہ عمران خان ہی ہیں۔ یہ تصویر گرمیوں کی لگ رہی ہے۔ عمران خان جیل میں اسی طرح ہوتے ہیں، علیمہ خان https://t.co/XGAkjUXkL3 pic.twitter.com/ykkQsRo3f1
— Rizwan Ghilzai (Remembering Arshad Sharif) (@rizwanghilzai) December 15, 2025
علیمہ خان کے مطابق تصویر سامنے آنے پر ابتدا میں انہیں بھی شبہ ہوا کہ یہ اے آئی کے ذریعے بنائی گئی ہو سکتی ہے جس کے بعد انہوں نے یہ تصویر چند افراد کو بھیجی اور ان سے تصدیق کروائی کہ آیا یہ تصویر حقیقی ہے یا نہیں کیونکہ تصویر میں موجود شخصیت عمران خان سے مشابہت رکھتی ہے۔
یہ بھی پڑھیں: ’آزادی یا موت‘: عمران خان کا پیغام موصول، بانی پی ٹی آئی وزیراعلیٰ کے پی سہیل آفریدی سے کیا چاہتے ہیں؟
انہوں نے کہا کہ تصدیق کے بعد انہیں یقین ہو گیا کہ یہ تصویر عمران خان کی ہی ہے تاہم یہ تصویر قیدِ تنہائی سے پہلے کی ہے اور غالباً گرمیوں کے موسم میں لی گئی تھی، جس کا اندازہ تصویر میں پسینے کی موجودگی سے ہوتا ہے۔ علیمہ خان کا کہنا تھا کہ انہوں نے عمران خان کو قریب سے دیکھا ہے اور وہ بالکل اسی طرح نظر آتے ہیں۔
علیمہ خان نے مزید کہا کہ انہیں یہ معلوم نہیں کہ یہ تصویر کس نے اور کس مقصد کے تحت جاری کی تاہم اگر یہ تصویر خود جاری کی گئی ہے تو یہ خوش آئند بات ہے کیونکہ ہم نے عمران خان کو دیکھ لیا ہے۔
