مشہور ٹی وی سیریل ’کیونکہ ساس بھی کبھی بہو تھی‘ میں اداکاری کے باعث شہرت حاصل کرنے والی اداکارہ جیا بھٹاچاریہ ایک بار پھر خبروں کی زینت بن گئی ہیں۔
ان کی ایک پرانی ویڈیو سوشل میڈیا پر دوبارہ وائرل ہو گئی ہے جس میں اداکارہ نے بھارتی حکومت اور سپریم کورٹ پر سخت تنقید کرتے ہوئے پہلگام حملے کو مبینہ طور پر ایک ’سازش‘ قرار دیا تھا۔
یہ بھی پڑھیں: ’اگر پہلگام کا مسئلہ ہے تو جنگ لڑیں‘، راشد لطیف بھارتی کھلاڑیوں کے رویے پر برس پڑے
اداکارہ نے ویڈیو میں پہلگام حملے کے دوران سیکیورٹی میں مبینہ کوتاہی پر بھی شدید ردِعمل دیا۔ انہوں نے اس واقعے کو ایک منظم سازش قرار دیتے ہوئے حکومت سے جواب طلب کیا تھا۔
View this post on Instagram
اداکارہ نے کہا کہ دہلی میں سڑک کے کتوں کی حمایت میں احتجاج کرنے والوں کے لیے جتنی سیکیورٹی لگائی گئی ہے اگر اتنی ہی سیکیورٹی وہاں لگا دی جاتی جہاں لوگوں سے نام پوچھ کر قتل کیا گیا تو وہ اس طرح نہ مارے جاتے۔ یا پھر کیا یہ بھی کسی سازش کا حصہ ہے؟ جواب دیجیے
ان کا مزید کہنا تھا کہ سپریم کورٹ کے کندھے پر بندوق رکھ کر شکار کیا جا رہا ہے۔ ہمیں بتائیے حکومت کس کے ساتھ کاروبار کر رہی ہے؟
یہ بھی پڑھیں: ’یہ پہلگام واقعے کا جشن منا رہے ہیں‘، ششی تھرور کے گانا گانے پر بھارتی صارفین کی تنقید
ذرائع کے مطابق یہ ویڈیو اگست 2025 کی ہے جو دہلی این سی آر میں آوارہ کتوں کے انتظام سے متعلق عدالتی تنازع کے دوران ریکارڈ کی گئی تھی۔ اس ویڈیو میں جیا بھٹاچاریہ نے سپریم کورٹ کے فیصلے پر سوال اٹھاتے ہوئے کہا تھا کہ حکومت عدلیہ کے ذریعے اپنے مفادات حاصل کر رہی ہے۔ انہوں نے حکومت سے یہ بھی پوچھا کہ وہ کن عناصر کے ساتھ معاملات طے کر رہی ہے۔
