پاکستانی اداکارہ میرب علی نے اپنی گریجویشن پارٹی کی خوبصورت تصاویر سوشل میڈیا پر شیئر کی ہیں، جو ان کے دوستوں نے گزشتہ شب ان کے گھر کے پُرسکون بیک یارڈ میں سجائی تھی۔
سرد موسم کی اس شام میں منعقد ہونے والی تقریب میں فیری لائٹس، تازہ پھولوں، دلکش سجاوٹ اور گرمجوش ماحول نے محفل کو یادگار بنا دیا۔ یہ ایک سادہ مگر پُرخلوص تقریب تھی، جس میں قریبی دوستوں نے شرکت کی۔
یہ بھی پڑھیے: عاصم اظہر اور میرب علی نے راہیں جدا کرلیں، گلوکار نے اپنے پیغام میں کیا کہا؟
میرب علی نے انسٹاگرام پر لکھا کہ ان کے دوستوں نے انہیں گریجویشن پارٹی دے کر حیران کر دیا اور وہ اس محبت پر شکر گزار ہیں۔ انہوں نے خوشی کا اظہار کرتے ہوئے بتایا کہ انہوں نے لاء اسکول سے گریجویشن مکمل کر لی ہے۔
View this post on Instagram
کیک کٹنگ کے لیے لگائے گئے بیک ڈراپ پر چمکتے ہوئے غباروں سے ‘کیس کلوزڈ’ کے الفاظ لکھے گئے تھے، جو ایک قانون کی گریجویٹ کے لیے خاص طور پر موزوں تھے۔ سجاوٹ میں میرب کی اپنے دوستوں کے ساتھ تصاویر بھی شامل تھیں، جو فیری لائٹس کے ساتھ آویزاں کی گئی تھیں اور تقریب کو ایک جذباتی رنگ دے رہی تھیں۔
