حکومت سندھ نے کرسمس کے موقع پر مسیحی برادری کے لیے 26 دسمبر 2025 کو بھی عام تعطیل کا اعلان کر دیا ہے، جبکہ 25 دسمبر کو یوم قائداعظم اور کرسمس کی مناسبت سے پہلے ہی عام چھٹی کا نوٹیفکیشن جاری کیا گیا تھا۔
محکمہ سروسز، جنرل ایڈمنسٹریشن اینڈ کوآرڈینیشن کی جانب سے جاری نوٹیفکیشن کے مطابق، یہ تعطیل تمام سرکاری، نیم سرکاری اور خودمختار اداروں، کارپوریشنز اور لوکل کونسلز پر لاگو ہوگی جو حکومت سندھ کے زیر انتظام ہیں، تاہم ضروری خدمات سے وابستہ عملہ اس میں شامل نہیں ہوگا۔
حکومت سندھ کا یہ اقدام مسیحی برادری کی سہولت کو مدنظر رکھتے ہوئے کیا گیا ہے اور تمام متعلقہ ادارے اس کا اطلاق یقینی بنائیں گے۔
