وزیراعلیٰ پنجاب مریم نواز سے ملاقات کا مطالبہ لے کر کرین پر چڑھنے والے شخص کو بحفاظت ریسکیو کرلیا گیا۔
پنجاب اسمبلی کے ایم پی اے ہاسٹلز کی زیر تعمیر عمارت پر ایک نامعلوم شخص کرین پر چڑھ گیا تھا، جس نے وزیر اعلیٰ پنجاب مریم نواز شریف سے ملاقات کا مطالبہ کیا۔
پنجاب اسمبلی کے ایم پی اے ہوسٹلز کی زیرِ تعمیر عمارت پر ایک نامعلوم شخص کرین پر چڑھ گیا، جس نے مبینہ طور پر وزیراعلیٰ مریم نواز سے ملاقات کا مطالبہ کیا۔ صورتحال کے پیشِ نظر اسمبلی اسٹاف، سکیورٹی حکام اور ریسکیو اہلکار فوری طور پر موقع پر پہنچے اور سکیورٹی اقدامات سخت کر دیے گئے۔ pic.twitter.com/blU17OJ7Fb
— Zohaib Afzal (@zaibi_pmln) December 19, 2025
واقعے کی اطلاع ملتے ہی اسمبلی کا اسٹاف، سیکیورٹی حکام اور ریسکیو ٹیم عمارت کے گرد پہنچ گئے، اور نامعلوم شخص کو نیچے آنے کا کہا، تاہم وہ وزیراعلیٰ مریم نواز کی تصویر والا ایک بینر لہراتا رہا۔
نامعلوم شخص نے مؤقف اختیار کیاکہ جب تک مریم نواز سے ملاقات نہیں کروائی جاتی، نیچے نہیں آؤں گا، جس پر ریسکیو حکام نے جواب دیا کہ آپ پہلے نیچے آئیں، پھر ملاقات کروا دی جائے گی۔
بعد ازاں وزیر اعلیٰ پنجاب مریم نواز کے مشیر ذیشان ملک موقع پر پہنچ گئے، اور کرین پر چڑھنے والے شخص سے ٹیلیفون پر بات کی، اور یقین دہانی کرائی کہ اس کے جائز مطالبات پورے کیے جائیں گے، جس کے بعد اسے بحفاظت ریسکیو کرلیا گیا۔
