بالی وڈ اداکارہ شلپا شیٹھی نے حال ہی میں وائرل ٹرینڈ میں حصہ لیتے ہوئے اکشے کھنہ کے فلم دھُرندھر کے ڈانس اسٹپس کو کیا جس کی ویڈیو سوشل میڈیا پر وائرل ہو رہی ہے۔
انہوں نے اپنےآفیشل انسٹاگرام پر ویڈیو شیئر کرتے ہوئے لکھا کہ ’فین تو ملا نہیں لیکن میں فین ہو گئی ہوں تو یہ ٹرینڈ کرنا بنتا تھا‘۔ شلپا شیٹھی نے رنویر سنگھ کو ٹیگ کرتے ہوئے لکھا کہ آپ کا وقت آ گیا ہے، اکشے کھنہ کو کہا کہ آپ اورا میکس ہیں اور ساتھ ہی فلم اور دیگر اداکاروں کی تعریف بھی کی۔
View this post on Instagram
واضح رہے کہ دھُرندھر نے بھارتی ڈومیسٹک باکس آفس پر سب سے زیادہ کمائی کرنے والی 10 فلموں میں جگہ حاصل کر لی ہے اور رنبیر کپور کی اینمل کو پیچھے چھوڑ دیا ہے۔ آدتیہ دھر کی یہ فلم 5 دسمبر کو سینما گھروں میں ریلیز کی گئی تھی، جس میں رنویر سنگھ، اکشے کھنہ، ارجن رام پال، آر مادھون، سارہ ارجن اور راکیش بیدی جیسے معروف اداکار شامل ہیں۔
فلم سازوں نے اس بات کی بھی تصدیق کر دی ہے کہ ’دھرندر‘ کا سیکوئل 19 مارچ 2026 کو سینما گھروں کی زینت بنے گا۔
