پی آئی اے اور پاکستان کرکٹ بورڈ کا ایم او یو: عارف حبیب اور محسن نقوی کی دلچسپ گفتگو

پاکستان انٹرنیشنل ایئر لائن (پی آئی اے) کے خریدار عارف حبیب کا کہنا ہے کہ قومی ایئرلائن اور پاکستان کرکٹ ٹیم دونوں ایک ساتھ بلندیاں حاصل کریں گے۔

مزید پڑھیں: پی آئی اے کی نجکاری کے بعد ملازمین کا کیا ہوگا؟ ایئرلائن خریدنے والے عارف حبیب نے بتا دیا

نجکاری کے حوالے سے منعقدہ تقریب کے آخر میں مبارکبادیں وصول کرنے کے دوران عارف حبیب نے پاس کھڑے وزیر داخلہ اور پاکستان کرکٹ بورڈ کے چیئرمین محسن نقوی کی طرف دیکھتے ہوئے یقین ظاہر کیا کہ قومی ایئرلائن اور پاکستان کرکٹ ٹیم دونوں ہی بہت ترقی کریں گے۔

محسن نقوی عارف حبیب گروپ کو مبارکباد دینے پہنچ گئے pic.twitter.com/ttO98mqX1z

— WE News (@WENewsPk) December 23, 2025

اس پر محسن نقوی نے بھی کہا کہ پہلی مفاہمتی یادداشت پی آئی اے اور پاکستان کرکٹ بورڈ کے مابین طے پائے گی۔

قریب ہی کھڑے ایک صاحب نے لقمہ دیا کہ اور دوسرا ایم او یو وزارت داخلہ کے ساتھ ہوگا جس پر محسن نقوی نے کہا کہ ہم تو پہلے ہی ساتھ ہیں۔

اس موقع پر محسن نقوی کا مزید کہنا تھا کہ آج صرف پاکستان کی جیت ہوئی ہے، ہم سب آگے کی طرف دیکھ رہے ہیں، امید ہے پی آئی اے کا نیا سفر شروع ہوگا۔

وزیر داخلہ نے کہاکہ پی آئی اے کی نجکاری کا عمل مکمل ہونے پر میں وزیراعظم، مشیر نجکاری اور دیگر حکام کو مبارکباد پیش کرتا ہوں۔

مزید پڑھیں: پی آئی اے نجکاری: عارف حبیب کنسورشیم نے 135 ارب روپے میں پی آئی اے کو خرید لیا