سرگودھا میں گرین ہاؤس جھال چکیاں کے قریب مسافر وین درخت سے ٹکرانے کے باعث 3 افراد ہلاک اور 10 زخمی ہو گئے۔
ریسکیو حکام سرگودھا کے مطابق حادثے کی اطلاع ملتے ہی ریسکیو ٹیمیں موقع پر پہنچیں اور لاشوں اور زخمیوں کو اسپتال منتقل کیا گیا۔
یہ بھی پڑھیں:اوور اسپیڈنگ اور غفلت، اسلام آباد میں ایک اور ٹریفک حادثہ
واقعہ کے مطابق مسافر وین اچانک کنٹرول سے باہر ہو گئی اور درخت سے ٹکرا گئی، جس کے نتیجے میں تین افراد اپنی جان سے ہاتھ دھو بیٹھے اور متعدد مسافر زخمی ہو گئے۔ ریسکیو حکام نے زخمیوں کی فوری طبی امداد فراہم کرنے کے لیے اقدامات کیے۔
