بنگلہ دیش میں میگھنا دریا کے ہارینا علاقے میں 2 مسافر لانچوں کے تصادم کے نتیجے میں کم از کم 8 افراد ہلاک اور متعدد زخمی ہوگئے۔
چاند پور یونٹ کے ریور پولیس ایس پی مشفق الرحمان نے جمعہ کو اس کی تصدیق کی کہ حادثہ ڈھاکا جانے والی ’ذاکر سمراٹ 3‘ اور ’ایڈونچر 9‘ لانچوں کے درمیان پیش آیا۔
مزید پڑھیں: عثمان ہادی قتل، ڈھاکا میں بھارتی ہائی کمیشن پر حملہ، اخبارات کے دفاتر نذر آتش
حادثہ جمعرات کی صبح 1 بجے سے 2 بجے کے درمیان ہوا۔ چاندپور ریور پورٹ ٹریفک انسپکٹر عبدالمنان نے بتایا کہ حادثہ رات کے وقت گہری دھند کی وجہ سے پیش آیا۔
حادثے کے بعد، ذاکر سمراٹ لانچ کے مسافروں میں خوف و ہراس پھیل گیا۔ ہلاک ہونے والے افراد کی شناخت ابھی نہیں ہو سکی۔ لانچ حادثے کے بعد اپنا سفر جاری رکھتے ہوئے صدرگاہ، ڈھاکا پہنچ گئی۔
مزید پڑھیں: لیدر ٹیک بنگلادیش 2025 ڈھاکا میں پاکستانی لیدر مصنوعات کی نمائش
حکام نے حادثے کی وجوہات معلوم کرنے کے لیے تحقیقات شروع کر دی ہیں۔
