قومی کرکٹ ٹیم کے بیٹر امام الحق کے گھر ننھے مہمان کی آمد ہوئی ہے، اور وہ بیٹی کے باپ بن گئے ہیں۔
امام الحق نے اپنے مداحوں کے ساتھ خوشخبری شیئر کی ہے کہ وہ باپ بن گئے ہیں۔ امام الحق نے انسٹاگرام پر اپنی بیٹی کی ایک جھلک دکھاتے ہوئے مداحوں کو اس ننھی مہمان کی آمد سے آگاہ کیا۔
View this post on Instagram
امام الحق نے اپنی پوسٹ میں بتایا کہ بیٹی کا نام انارا حق رکھا گیا ہے، جس کا مطلب ہے ’روشنی کی کرن‘۔
انہوں نے کہا کہ بیٹی واقعی ان کی زندگیوں کی روشنی ہے اور خوشی کے اس موقع پر مداحوں سے اپنی فیملی اور بیٹی کو دعاؤں میں یاد رکھنے کی درخواست کی۔
واضح رہے کہ امام الحق نے 25 نومبر 2023 کو اپنی قریبی دوست انمول محمود سے شادی کی تھی۔
امام الحق نے شادی کے 2 سال مکمل ہونے پر اپنی اہلیہ کے ساتھ خوبصورت تصاویر اور ویڈیوز بھی شیئر کی تھیں، جنہیں مداحوں کی جانب سے خوب سراہا گیا تھا۔
