بھارتی بیٹنگ اسٹار ویرات کوہلی کی ایک ویڈیو سوشل میڈیا پر وائرل ہو رہی ہے جس میں انہیں وڈوڈرا ایئرپورٹ پر مداحوں کی بڑی تعداد نے خوش آمدید کہا۔ یہ موقع انڈیا اور نیو زی لینڈ کے درمیان تین میچز کی ایک روزہ سیریز کے پہلے میچ سے قبل کا تھا۔
جیسے ہی کوہلی ائیرپورٹ باہر آئے شائقین ’کوہلی، کوہلی‘ کے نعرے لگانے لگے۔ سخت سیکیورٹی کے انتظامات اور مداحوں کی طرف سے سیلفیز کے مطالبات پر انہیں ٹیم کی گاڑی تک پہنچنے میں دشواری کا سامنا کرنا پڑا۔
Fans are getting mad for just one glimpse of Virat Kohli 🤯🔥 pic.twitter.com/ynE0Bf04sl
— Virat Kohli Fan Club (@Trend_VKohli) January 7, 2026
ویرات کوہلی نے آسٹریلیا میں آخری ایک روزہ میچ میں نصف سنچری بنائی تھی اور گزشتہ سال ساؤتھ افریقہ کے خلاف ہوم سیریز میں دو مسلسل سنچریوں اور ایک نصف سنچری کے ساتھ اپنی شاندار فارم کو برقرار رکھا۔
مقامی کرکٹ میں بھی ان کی فارم متاثر کن رہی، جہاں انہوں نے وِجے ہزاری ٹرافی میں دہلی کے لیے ایک سنچری اور ایک نصف سنچری بنائی۔ ٹی ٹوئنٹی اور ٹیسٹ میچز سے دور رہنے کے بعد کوہلی نے اپنی توجہ ایک روزہ فارمیٹ پر مرکوز کر رکھی ہے اور اب وہ نیوزی لینڈ کے خلاف سیریز میں میدان میں اتریں گے۔ یہ ان کا 2026 میں پہلا بین الاقوامی میچ ہوگا۔
یہ بھی پڑھیں: ویرات کوہلی اور انوشکا شرما کو بیرون ملک کیفے سے کیوں نکلنا پڑا؟
وڈوڈرا میں پہلا ایک روزہ میچ کوہلی کے لیے یادگار بھی ہے۔ ان کی اس وینیو پر آخری ایک روزہ اننگز 2010 میں نیوزی لینڈ کے خلاف ہوئی تھی، جس میں انہوں نے ناقابل شکست 63 رنز بنائے تھے۔ اس میچ میں گوتم گمبھیر نے ناقابل شکست 126 رنز بنا کر پلیئر آف دی میچ کا اعزاز حاصل کیا تھا، جبکہ دونوں نے دوسرے وکٹ کے لیے 114 رنز کی شراکت قائم کی تھی۔
