ایک نئی تحقیق میں یہ بات سامنے آئی ہے کہ روزانہ دو سے تین کپ چائے یا کافی پینے سے ڈیمینشیا کے خطرے میں تقریباً 20 فیصد کمی آ سکتی ہے۔ ماہرین کا کہنا ہے کہ ابتدائی احتیاط اور کیفین دماغ کی صحت کے لیے حفاظتی کردار ادا کر سکتی ہے۔
تفصیل:بیجنگ میں کاکروچ کافی کی دھوم، ’اتنی بھی گھِناؤنی نہیں جتنی سمجھی تھی‘
امریکا میں ایک لاکھ 21 ہزار افراد کے صحت کے ریکارڈز کا تجزیہ کیا گیا، جن سے روزانہ کیفین والے گرم مشروبات کے استعمال کے بارے میں پوچھا گیا اور ان کی یادداشت اور مجموعی صحت پر چار دہائیوں تک نظر رکھی گئی۔
تحقیق میں بتایا گیا کہ جو لوگ روزانہ دو سے تین کپ کیفین والی چائے یا کافی پیتے تھے، ان میں ڈیمینشیا کا خطرہ ان لوگوں کے مقابلے میں 15 سے 20 فیصد کم تھا جو یہ مشروبات نہیں پیتے۔ تاہم تین کپ سے زیادہ پینے کا کوئی اضافی فائدہ نہیں ملا۔
یہ بھی پڑھیں: ’صرف اصل چائے پر ہی چائے لکھا جائے‘، ’چائے‘ کی لیبلنگ کے لیے نئی ہدایات
مزید برآں، کیفین والی کافی پینے والوں نے دماغی افعال کے کچھ ٹیسٹوں میں بہتر کارکردگی دکھائی اور ان میں علمی کمی بھی کم دیکھی گئی، جبکہ ڈی کیفین والی کافی پینے والوں میں ایسا فرق نظر نہیں آیا۔
