پاک فوج کے محکمہ تعلقات عامہ آئی ایس پی آر نے تصدیق کی ہے کہ سابق آرمی چیف جنرل قمر جاوید باجوہ (نشان امتیاز، ریٹائرڈ) اپنی رہائش گاہ پر گرنے کے نتیجے میں زخمی ہو گئے ہیں۔
آئی ایس پی آر کے مطابق جنرل باجوہ کو فوری طور پر علاج کے لیے سی ایم ایچ (کمیونٹی ملٹری ہسپتال) منتقل کیا گیا، اور وہ اس وقت اسپتال میں زیر علاج ہیں۔
سابق آرمی چیف جنرل قمر جاوید باجوہ باتھ روم میں گر گئے سر میں شدید چوٹیں آئیں ان کو فوری طور پر ہسپتال میں داخل کروا دیا گیا ہے
pic.twitter.com/XOdObtvgk4— Atif Rauf (@Atifrauf79) February 11, 2026
آئی ایس پی آر نے عوام کو یقین دہانی کرائی ہے کہ سابق آرمی چیف کی صحت کی صورتحال پر قابو پایا جا رہا ہے اور وہ ماہر ڈاکٹروں کی زیر نگرانی ہیں۔
یاد رہے کہ گزشتہ روز بعض میڈیا رپورٹس میں بتایا گیا تھا کہ سابق چیف آف آرمی اسٹاف جنرل ریٹائرڈ قمر جاوید باجوہ اپنے گھر میں گر کر زخمی ہوگئے۔
یہ بھی پڑھیے سابق آرمی چیف جنرل (ر) قمر جاوید باجوہ گھر میں گر کر زخمی، اسپتال منتقل
میڈیا رپورٹس کے مطابق جنرل ریٹائرڈ قمر جاوید باجوہ کو گرنے کے باعث جسم کے مختلف حصوں پر چوٹیں آئی ہیں۔
خاندانی ذرائع کا کہنا ہے کہ قمر جاوید باجوہ منگل کی صبح ساڑھے چار بجے اپنے گھر کے واش روم میں گر گئے تھے۔
سابق آرمی چیف کے سر پر بھی زخم آئے ہیں اور وہ اس وقت آئی سی یو میں زیر علاج ہیں، اور اسپتال میں ان کا علاج جاری ہے۔
مزید پڑھیں: بشریٰ بی بی کا سعودی عرب کے حوالے سے گھناؤنا الزام، بیان جھوٹا ہے: جنرل (ر) قمر جاوید باجوہ
واضح رہے کہ قمر جاوید باجوہ کو 2016 میں اس وقت کے وزیراعظم نواز شریف نے آرمی چیف مقرر کیا تھا، بعد ازاں عمران خان نے 2019 میں انہیں 3 سال کی توسیع دی۔
سابق آرمی چیف قمر جاوید باجوہ 29 نومبر 2022 کو ریٹائر ہوئے جس کے بعد جنرل عاصم منیر نے پاک فوج کی کمان سنبھالی، جو اس وقت بھی آرمی چیف اور چیف آف ڈیفنس فورسز ہیں۔
