گورنر سندھ کامران ٹیسوری نے ٹی20 ورلڈ کپ میں بھارت کے خلاف میچ جیتنے کی صورت میں قومی ٹیم کو ایک ایک کروڑ روپے دینے کا اعلان کردیا۔
مزید پڑھیں: پاک بھارت ٹاکرا: وزیراعظم شہباز شریف کا قومی ٹیم کے لیے نیک خواہشات کا اظہار
اپنے ایک بیان میں انہوں نے کہاکہ پاکستانی ٹیم میچ جیتی تو واپسی پر خود لینے ایئرپورٹ جاؤں گا، اور 3 من پھولوں کی بارش کردوں گا۔
انہوں نے کہاکہ قومی ٹیم کے جیتنے کی خوشی میں 3 ہزار کلو مٹھائی پورے شہر میں تقسیم کروں گا۔
واضح رہے ٹی20 ورلڈ کپ کا اہم ٹاکرا سری لنکا میں جاری ہے، جہاں قومی ٹیم کے کپتان سلمان علی آغا نے ٹاس جیت کر بھارت کو پہلے بیٹنگ کی دعوت دی۔
ٹاس کے موقع پر گفتگو کرتے ہوئے قومی کپتان نے کہاکہ آج کے میچ کے لیے پلیئنگ الیون میں کوئی تبدیلی نہیں کی گئی، ہم بھارت کے خلاف کھیلنے کے لیے پرعزم ہیں۔
انہوں نے مزید کہاکہ ہمیں اندازہ ہے کہ اس طرح کی پچز پر کیسے کھیلنا ہے۔
مزید پڑھیں: بھارت کے خلاف مقابلے کے لیے تیار ہیں، قومی کپتان سلمان علی آغا پرعزم
ادھر وزیراعظم پاکستان شہباز شریف نے بھارت کے خلاف میچ کے دوران قومی کرکٹ ٹیم کے لیے نیک خواہشات کا اظہار کیا ہے۔
سماجی رابطے کی سائٹ ’ایکس‘ پر اپنے ایک بیان میں انہوں نے ٹیم کو اعتماد کے ساتھ کھیلنے اور اپنی بہترین کارکردگی دکھانے کی ہدایت کی۔
