پاکستان اب سپر 8 کے اپنے اگلے اہم معرکے کے لیے تیار ہے جہاں اس کا مقابلہ ان فارم انگلینڈ سے ہوگا۔ یہ میچ سری لنکا کے شہر کینڈی میں کھیلا جائے گا۔
یہ بھی پڑھیں: ٹی 20 ورلڈکپ: بارش نے پاکستان نیوزی لینڈ میچ دھو ڈالا، سیمی فائنل کی دوڑ دلچسپ ہوگئی
گروپ مرحلے میں ابتدائی مشکلات کے باوجود انگلینڈ نے سپر 8 مرحلے کا آغاز میزبان سری لنکا کے خلاف شاندار فتح سے کیا۔ دوسری جانب پاکستان اور نیوزی لینڈ کا میچ کولمبو میں شدید بارش کے باعث بے نتیجہ ختم ہوا۔
سیمی فائنل تک رسائی کے لیے یہ میچ دونوں ٹیموں کے لیے نہایت اہمیت کا حامل ہے۔ انگلینڈ اپنے تیز رفتار فاسٹ بولر آرچر کو پاکستان کی بیٹنگ لائن کے خلاف مؤثر انداز میں استعمال کرنا چاہے گا۔ تاہم پاکستان کے فارم میں موجود بیٹر صاحبزادہ فرحان اس چیلنج کے لیے تیار دکھائی دیتے ہیں اور انگلش پیسر کے دباؤ سے بے خوف ہیں۔
پلیئنگ الیون پر سوالات
پاکستان کی ممکنہ پلیئنگ الیون کے حوالے سے بھی چہ مگوئیاں جاری ہیں۔ شائقین کے ذہن میں سوال ہے کہ آیا بابر اعظم کی جگہ فخر زمان کو موقع دیا جائے گا یا بولنگ اٹیک مضبوط بنانے کے لیے شاہین آفریدی کو ٹیم میں واپس شامل کیا جائے گا۔
میچ کہاں اور کیسے دیکھیں؟
پاکستان میں کرکٹ شائقین یہ اہم میچ براہِ راست Pakistanپی ٹی وی اور پی ٹی وی اسپورٹس پر دیکھ سکتے ہیں۔
مزید پڑھیے: ٹی 20 ورلڈ کپ: بھارت کو جنوبی افریقہ کے ہاتھوں ہزیمت آمیز شکست
آن لائن اسٹریمنگ کے خواہشمند ناظرین کے لیے میچ تماشا، مائیکو اور ٹیمپیڈ پر بھی دستیاب ہوگا جس سے ٹی وی اور ڈیجیٹل دونوں پلیٹ فارمز پر میچ دیکھنے کے متعدد مواقع میسر ہوں گے۔
