رمضان آتے ہی بعض لوگوں کا موڈ اچانک بدل جاتا ہے۔ چڑچڑاپن، سر درد، بے چینی اور غصہ عام ہو جاتا ہے، اور اکثر اس کی وجہ روزے کو سمجھا جاتا ہے، لیکن حقیقت میں یہ روزہ نہیں بلکہ نکوٹین وِدڈرال ہوتا ہے۔
سگریٹ میں موجود نکوٹین وقتی سکون اور مصنوعی خوشی دیتی ہے، مگر جب جسم کو 12 سے 16 گھنٹے نکوٹین نہیں ملتی تو بے چینی، موڈ سوئنگ اور اضطراب بڑھ جاتا ہے۔
روزہ دراصل ہمیں یہ احساس دلاتا ہے کہ ہماری باڈی کس عادت پر انحصار کررہی ہے، یہی وقت ہے خود احتسابی کا، اگر چند گھنٹے سگریٹ کے بغیر گزارے جا سکتے ہیں تو اسے چھوڑنا بھی ممکن ہے۔
رمضان صرف بھوک برداشت کرنے کا نام نہیں بلکہ اپنی عادات کو پہچان کر ان پر قابو پانے کا مہینہ ہے۔ اگر سگریٹ آپ کے موڈ کو کنٹرول کررہی ہے تو شاید اب وقت ہے کہ آپ اپنا کنٹرول واپس لے لیں۔
