سعودی عرب کے نئے الجوف انٹرنیشنل ایئرپورٹ نے آج باضابطہ طور پر آپریشنز کا آغاز کر دیا جہاں پہلی پرواز اتری۔
یہ بھی پڑھیں: سخاوت کی زندہ مثال: حاتم طائی کے شہر کے باسیوں نے کس طرح مہمان نوازی کی روایات زندہ رکھی ہیں؟
ایس پی اے کے مطابق یہ مرحلہ پرانے ایئرپورٹ سے تمام عملی سرگرمیوں کو نئے سہولت گاہ میں منتقل کرنے کے مکمل عمل کا حصہ ہے۔ یہ ایئرپورٹ دوسرے ایئرپورٹس کلسٹر کے تحت کام کرے گا
اہم خصوصیات اور صلاحیت
نیا ایئرپورٹ تقریباً 1.6 ملین مسافروں کی سالانہ گنجائش رکھتا ہے جو پرانے ایئرپورٹ کی تقریباً 175,000 مسافروں کی گنجائش کے مقابلے میں 800 فیصد سے زائد اضافہ ہے۔
مسافروں کے ٹرمینل کی تعمیر جدید بین الاقوامی معیار کے مطابق کی گئی ہے اور کل رقبہ 24,000 مربع میٹر ہے۔
اس میں شامل ہیں16 چیک ان کاؤنٹرز، جن میں سے 2 سیلف سروس کے لیے مخصوص،11 ڈپارچر اور اریول گیٹس، 5 ڈبل پاسپورٹ کنٹرول کاؤنٹرز اور648 پارکنگ اسپیسز بھی شامل ہیں۔
مزید پڑھیے: سعودی عرب: مقامی شہریوں اور مقیم افراد کے لیے حج رجسٹریشن کا آغاز
ایئرپورٹ میں آٹزم سپیکٹرم ڈس آرڈر والے مسافروں کے لیے مخصوص سینسری رومز، معذور افراد کے لیے قابل رسائی خدمات، اور دیگر سہولیات موجود ہیں۔ اس کے علاوہ، تجارتی مقامات کا رقبہ 1,700 مربع میٹر ہے تاکہ سب کے لیے جامع اور آرام دہ سفر کے ماحول کو یقینی بنایا جا سکے۔
ڈیزائن اور ثقافتی عکاسی
ٹرمینل کے ڈیزائن میں الجوف ریجن کی ثقافتی وراثت کے عناصر شامل کیے گئے ہیں۔ تقریباً 5,000 مربع میٹر گرین اسپیسز میں مقامی زیتون کے درخت لگائے گئے ہیں، جو اس علاقے کی شناخت ہیں۔
مزید پڑھیں: علاقائی و عالمی تنازعات میں سعودی عرب کا سفارتی کردار، 1989 سے 2026 تک اہم ثالثی اقدامات
یہ ایئرپورٹ جدید سہولیات، مسافروں کی آسانی اور علاقے کی ثقافت کی عکاسی کے ساتھ ایک اہم ہوائی رابطہ مرکز کے طور پر خدمات فراہم کرے گا۔
