رائل ڈچ ایئرلائنز کے ایل ایم نے یکم مارچ سے ایمسٹرڈیم اور تل ابیب کے درمیان اپنی پروازیں عارضی طور پر معطل کرنے کا اعلان کیا ہے۔
ایئر لائنز کی جانب سے بدھ کے روز جاری کردہ بیان میں کہا گیا ہے کہ یہ فیصلہ فوری طور پر نافذ العمل ہوگا۔
Dutch airline KLM suspends flights to Tel Aviv https://t.co/mP1XHkFJkU https://t.co/mP1XHkFJkU
— Reuters (@Reuters) February 26, 2026
ایئرلائن گروپ ایئر فرانس کے ایل ایم کے ڈچ ذیلی ادارہ کے ایل ایم نے وضاحت کی کہ موجودہ حالات میں تل ابیب کے لیے پروازیں چلانا نہ تو تجارتی لحاظ سے ممکن ہے اور نہ ہی آپریشنل طور پر قابلِ عمل۔
یہ پیش رفت ایسے وقت میں سامنے آئی ہے جب امریکا اور ایران کے درمیان تہران کے جوہری پروگرام کے معاملے پر کشیدگی میں اضافہ ہو رہا ہے۔
یہ بھی پڑھیں: نیتن یاہو کی صدارتی معافی کے خلاف تل ابیب میں شدید احتجاج
دونوں ممالک کے درمیان مذاکرات جمعرات کو جینیوا میں دوبارہ شروع ہونے والے ہیں۔
یکم فروری کو ڈچ ایئرلائن نے اسرائیل، متحدہ عرب امارات اور سعودی عرب کے لیے اپنی پروازیں بحال کی تھیں۔
اس سے قبل علاقائی کشیدگی کے باعث اس نے مشرقِ وسطیٰ کے وسیع حصوں کے اوپر سے پرواز کرنے سے گریز کی پالیسی کا اعلان کیا تھا۔
