ایران کی جانب سے حالیہ حملوں کے بعد روسی صدر ولادیمیر پیوٹن نے امیر قطر شیخ تمیم بن حمد الثانی سے ٹیلیفونک رابطہ کر کے قطر کے ساتھ یکجہتی کا اظہار کیا۔
یہ بھی پڑھیں: اسرائیل و امریکا کے تہران پر مزید حملے، کویت میں 3 امریکی لڑاکا طیارے تباہ، سینٹکام کی تصدیق
امیرِ قطر کے دفتر سے جاری بیان کے مطابق شیخ تمیم بن حمد الثانی نے روسی صدر کا شکریہ ادا کیا جنہوں نے ایران کے حملوں کے تناظر میں قطر کے ساتھ مکمل حمایت اور ہر ممکن تعاون فراہم کرنے کی تیاری کا اظہار کیا۔
بیان میں کہا گیا ہے کہ دونوں رہنماؤں نے خطے کی تازہ صورتحال پر بھی تبادلہ خیال کیا اور کشیدگی میں کمی لانے کے لیے سفارتی کوششیں تیز کرنے کی ضرورت پر زور دیا۔
مزید پڑھیے: پاکستان ایران کی موجودہ صورتحال کو قریب سے مانیٹر کر رہا ہے، اسحاق ڈار
گفتگو کے دوران علاقائی سلامتی اور استحکام برقرار رکھنے کی اہمیت پر بھی اتفاق کیا گیا۔
