وزیر اعلیٰ بلوچستان میر سرفراز بگٹی نے سوئی کا دورہ کیا اور سوئی رنگ روڈ اور گیس فراہمی کے اہم منصوبوں کا افتتاح کیا۔ اس موقع پر پاکستان پیٹرولیم لمیٹڈ (پی پی ایل) کی جانب سے چیکس کی تقسیم کی تقریب بھی منعقد ہوئی جس میں قبائلی عمائدین اور عوام کی بڑی تعداد نے شرکت کی۔
یہ بھی پڑھیں:گرین پاکستان انیشیٹو فیز2، بلوچستان کے کسانوں کو 3.2 ارب روپے کے قرضے دیے گئے، سرفراز بگٹی
وزیر اعلیٰ بلوچستان نے بہترین کارکردگی دکھانے والے ملازمین میں اسناد تقسیم کیں اور ان کی محنت و لگن کو سراہا۔ بگٹی نے کہا کہ حکومت صوبے کے تمام علاقوں کی متوازن ترقی کے لیے کوشاں ہے اور وہ دن دور نہیں جب بلوچستان کے نوجوان تعلیمی میدان میں نمایاں مقام حاصل کریں گے۔
انہوں نے مزید کہا کہ طلبہ اپنی محنت اور قابلیت سے علاقے اور صوبے کا نام روشن کریں گے، اور تعلیم کے فروغ سے ترقی و خوشحالی کی نئی راہیں کھلتی ہیں، ساتھ ہی معاشرے میں مثبت تبدیلی آتی ہے۔
یہ بھی پڑھیں:کالعدم تنظیم میں شمولیت پر اہلِ خانہ کی لاتعلقی کے اعلانات، سرفراز بگٹی کے بیان کے بعد صورتحال میں تبدیلی
وزیر اعلیٰ نے کہا کہ سڑکوں، گیس اور بنیادی انفراسٹرکچر کے منصوبوں کے ذریعے عوام کو سہولتیں فراہم کی جا رہی ہیں اور دور دراز و پسماندہ علاقوں میں ترقیاتی عمل کو مزید تیز کیا جائے گا تاکہ عوام کو بہتر معیار زندگی فراہم کیا جا سکے۔
