امریکی محکمہ انصاف نے جمعہ کو بتایا کہ عاصف مرچنٹ نامی پاکستانی شہری کو صدر ڈونلڈ ٹرمپ اور دیگر امریکی رہنماؤں کو قتل کرنے کی سازش کرنے کے جرم میں قصوروار قرار دیا گیا ہے۔
ملزم پر الزام تھا کہ وہ 2020 میں ایرانی فوجی کمانڈر قاسم سلیمانی کی ہلاکت کے ردعمل میں ایران کے احکامات پر ٹرمپ، صدر جو بائیڈن اور نکی ہیلی سمیت دیگر سیاستدانوں کو نشانہ بنانے کی کوشش کر رہا تھا۔
یہ بھی پڑھیے: ایران پر حملے بین الاقوامی قانون کے مطابق نہیں لیکن امریکا کے ساتھ تعاون بھی ضروری ہے، ہسپانوی وزیراعظم
محکمہ انصاف کے مطابق مرچنٹ پر ‘قتل کے لیے بھرتی اور بین الاقوامی دہشت گردی کی کوشش’ کا الزام ہے، جس کی نگرانی ایران کی طرف سے کی گئی تھی۔
مرچنٹ نے اعتراف کیا کہ اس نے ایرانی اسلامی انقلابی گارڈز کور کے ساتھ سازش میں شامل ہوا، مگر الزام ہے کہ وہ یہ سب اپنی فیملی کے تحفظ کے لیے کر رہا تھا۔
سیکیورٹی فورسز نے حملے کو بروقت ناکام بنا دیا، جب ایک شخص نے اپریل 2024 میں مرچنٹ کے منصوبے کی اطلاع دی اور خفیہ اطلاع دہندہ بن گیا۔
