رمضان المبارک کے دوران عمرہ کی ادائیگی کے لیے آنے والے زائرین کی بڑی تعداد مکہ مکرمہ کے میقاتوں سے گزر رہی ہے اور اب تک تقریباً 20 لاکھ افراد ان مقامات سے احرام باندھ کر حرم کی جانب روانہ ہو چکے ہیں۔
سعودی عرب کی سرکاری خبر رساں ایجنسی کے مطابق رمضان المبارک کے دوران اب تک تقریباً 18 لاکھ 55 ہزار 775 افراد مکہ مکرمہ کے مختلف میقاتوں سے گزر چکے ہیں۔
یہ بھی پڑھیں:خادم حرمین شریفین کا مدینہ منورہ کی مسجد قبلتین 24 گھنٹے کھلی رکھنے کی ہدایت
رائل کمیشن برائے مکہ سٹی اینڈ ہولی سائٹس کے چیف ایگزیکٹو آفیسر صالح الرشید نے بتایا کہ رمضان میں زائرین کی بڑھتی ہوئی آمد کو مدنظر رکھتے ہوئے تمام انتظامات مکمل کیے گئے ہیں اور فیلڈ ٹیمیں مسلسل کام کر رہی ہیں تاکہ زائرین کی نقل و حرکت کو منظم اور محفوظ بنایا جا سکے۔
The Masjid al-Haram has welcomed 11 million Umrah pilgrims. pic.twitter.com/KT1YnMxTUO
— GPX (@GPX_Press) February 24, 2026
اعداد و شمار کے مطابق سب سے زیادہ 554,813 زائرین میقات السیل الکبیر سے گزرے، جبکہ 392,042 افراد میقات یلملم، 372,110 مسجد تنعیم، 201,005 میقات الجحفہ، 185,516 میقات وادی محرم اور 150,289 زائرین مسجد جعرانہ سے احرام باندھ کر مکہ مکرمہ کی جانب روانہ ہوئے۔
میقات کیا ہے؟
میقات دراصل وہ مخصوص مقامات ہوتے ہیں جہاں سے گزرنے والے حج یا عمرہ کے تمام زائرین کے لیے احرام باندھ کر عبادت کی حالت اختیار کرنا لازمی ہوتا ہے۔ اس مرحلے پر زائرین غسل یا صفائی کے بعد احرام پہنتے ہیں۔ مرد عام طور پر 2 سفید کپڑوں پر مشتمل احرام (ازار اور چادر) استعمال کرتے ہیں جبکہ خواتین سادہ اور باپردہ لباس کے ساتھ سر ڈھانپ کر عبادت کی حالت میں داخل ہوتی ہیں۔
Around 2 million pilgrims have been invited to Masjid Al Haram since the beginning of the blessed month of Ramadan. pic.twitter.com/ZSDKmWS2la
— The Holy Mosques (@theholymosques) April 12, 2022
حکام کے مطابق رائل کمیشن کے اہلکاروں نے مختلف میقاتوں پر 3,513 نگرانی دورے بھی کیے اور اس دوران کسی قسم کا سیکیورٹی واقعہ پیش نہیں آیا، جس سے انتظامات کے مؤثر ہونے کا اظہار ہوتا ہے۔
مزید بتایا گیا کہ مختلف میقاتوں اور مساجد میں تقریباً 800 اہلکار تعینات ہیں جو زائرین کو سہولیات فراہم کرنے اور خدمات کی فراہمی کو یقینی بنانے کے لیے کام کر رہے ہیں۔
یہ بھی پڑھیں:مکہ مکرمہ: رضاکار طلبا مسجد الحرام میں ترجمے کی سہولت فراہم کرنے لگے
واضح رہے کہ رمضان المبارک کے آخری عشرے کے قریب آتے ہی عمرہ ادا کرنے والے زائرین کی تعداد میں مزید اضافہ متوقع ہے کیونکہ یہ دن عبادت اور عمرہ کی ادائیگی کے لیے خصوصی اہمیت رکھتے ہیں۔
