بنگلہ دیش کی 13ویں قومی پارلیمنٹ کے پہلے اجلاس میں حکمراں جماعت بنگلہ دیش نیشنلسٹ پارٹی (بی این پی) کے سینیئر رہنما اور رکنِ پارلیمنٹ میجر (ر) حافظ الدین احمد کو بلا مقابلہ اسپیکر منتخب کر لیا گیا۔
معمول کے برعکس اجلاس کے آغاز پر اسپیکر کی نشست خالی رہی کیونکہ سابق اسپیکر اور ڈپٹی اسپیکر دونوں اپنے عہدوں پر موجود نہیں تھے۔
یہ بھی پڑھیں: بنگلہ دیش حکومت پارلیمنٹ سے مثبت سیاسی کلچر فروغ دینا چاہتی ہے، وزیر داخلہ صلاح الدین احمد
سابق اسپیکر شیرین شرمین چودھری ستمبر 2024 میں مستعفی ہو گئی تھیں جبکہ سابق ڈپٹی اسپیکر شمس الحق ٹوکو اس وقت ایک قتل کے مقدمے میں جیل میں ہیں۔
اجلاس کی ابتدائی کارروائی بی این پی کے سینیئر رہنما خندکر مشرف حسین نےسب سے سینئر رکنِ پارلیمنٹ کی حیثیت سے اجلاس کی کارروائی جاری رکھی۔
রাষ্ট্রপতির কাছে শপথ নিলেন স্পিকার হাফিজ উদ্দিন আহমেদ pic.twitter.com/LrFFsHjvYT
— Ekhon TV (@ekhon_tv) March 12, 2026
ان کا نام وزیر اعظم طارق الرحمن نے تجویز کیا اور بی این پی کے سیکریٹری جنرل مرزا فخرالاسلام عالمگیر نے اس کی تائید کی۔
اس تجویز کی حمایت جماعتِ اسلامی کے ڈپٹی اپوزیشن لیڈر سید عبداللہ محمد طاہر نے بھی کی۔
مزید پڑھیں: بنگلہ دیش میں جماعت اسلامی سربراہ کے خط پر تنازع، مشیر کو وزارتی درجہ دینے کی تجویز پر بحث چھڑ گئی
بعد ازاں خندکر مشرف حسین نے ایوان کو بتایا کہ اسپیکر کے عہدے کے لیے صرف ایک ہی نامزدگی موصول ہوئی ہے جو بی این پی کی اسٹینڈنگ کمیٹی کے رکن حافظ الدین احمد کی ہے اور انہوں نے یہ ذمہ داری قبول کرنے پر رضامندی ظاہر کر دی ہے۔
ان کی نامزدگی رکنِ پارلیمنٹ نورالاسلام نے پیش کی جبکہ رقیب الاسلام نے اس کی تائید کی، جس کے بعد ایوان نے متفقہ طور پر انہیں اسپیکر منتخب کر لیا۔
مزید پڑھیں: ایران جنگ کے باعث توانائی بحران، بنگلہ دیش کا جامعات کو چھٹی دینے کا فیصلہ
اس سے قبل اجلاس سے خطاب کرتے ہوئے وزیر اعظم طارق الرحمن نے 1971 کے بعد سیاسی تحریکوں میں جان قربان کرنے والوں کو خراجِ عقیدت پیش کیا اور سابق وزیر اعظم خالدہ ضیا کی جمہوریت کے لیے جدوجہد کو سراہا۔
انہوں نے کہا کہ حکومت ایک خود کفیل بنگلہ دیش کی تعمیر کے لیے کام کرنا چاہتی ہے اور تمام سیاسی جماعتوں سے تعاون کی اپیل کی۔
اسپیکر کے انتخاب کے ساتھ ہی حالیہ عام انتخابات کے بعد تشکیل پانے والی نئی پارلیمنٹ کی ابتدائی پارلیمانی کارروائی مکمل ہو گئی۔
