انسداد دہشتگردی کی عدالت نے خدیجہ شاہ سمیت 7 خواتین ملزمہ کے جوڈیشل ریمانڈ میں مزید ایک روز کی توسیع کر دی ہے۔
تھانہ سرور روڈ پولیس نے شناخت پریڈ مکمل ہونے پر خدیجہ شاہ اور دیگر 7 خواتین ملزمہ کو انسداد دہشتگردی کی عدالت میں پیش کیا۔ انسداد دہشت گردی عدالت کی ایڈمن جج عبہر گل خان نے کیس کی سماعت کی۔
سماعت کے دوران تفتیشی افسر نے عدالت کو بتایا کہ خواتین کی شناخت پریڈ مکمل ہو چکی ہے مگر ابھی رپورٹ مرتب نہیں ہوئی ہے۔ شناخت پریڈ رپورٹ کل پیش کر دی جائے گی۔
مزید پڑھیں
جس پرعدالت نے مزید ایک روز کے جوڈیشل ریمانڈ میں توسیع کرتے ہوئے تفتیشی افسر کو شناخت پریڈ رپورٹ پیش کرنے کی مہلت دے دی۔
واضح رہے خواتین ملزمان میں خدیجہ شاہ ، صنم جاوید، طیبہ راجہ اورعالیہ حمزہ سمیت دیگر خواتین شامل ہیں۔
