مسلم لیگ نون کے رہنما بلال یاسین پر قاتلانہ حملے کے مقدمے میں اہم نوعیت کی پیش رفت سامنے آئی ہے جس کے مطابق انسداد دہشت گردی عدالت لاہور نے بلال یاسین پر دہشت گردی کی دفعات کو ختم کردیا ہے۔
انسداد دہشت گردی عدالت کی جج عبہر گل خان نے بلال یاسین پر قاتلانہ حملے کے مقدمے پر سماعت کی۔
انسداد دہشت گردی عدالت نے لاہور ہائیکورٹ کے فیصلے کی روشنی میں دہشتگردی کی دفعات کو ختم کرتے ہوئے مقدمہ سیشن کورٹ منتقل کر دیا۔
مزید پڑھیں
تفصیلات کے مطابق ملزمان نے انسداد دہشت گردی ایکٹ کی دفعات کو مقدمے میں شامل کرنے کے اقدام کو چیلنج کیا تھا اور لاہور ہائیکورٹ میں اپیل دائر کی تھی جسے ہائیکورٹ نے منظور کر لیا۔
عدالت نے انسداد دہشت گردی عدالت میں زیر سماعت مقدمے پر کارروائی روک دی اور اسے سیشن کورٹ منتقل کرنے کا حکم دے دیا۔ ملزمان کے وکیل نے انسداد دہشت گردی عدالت کو لاہور ہائیکورٹ کے احکامات سے آگاہ کیا۔
