لاہور ہائیکورٹ نے معروف یوٹیوبر ڈکی بھائی سے مبینہ طور پر رشوت لینے کے کیس میں سابق ایڈیشنل ڈائریکٹر این سی سی آئی اے چوہدری سرفراز کی ضمانت منظور کرتے ہوئے رہائی کا حکم دے دیا۔
لاہور ہائیکورٹ میں جسٹس عبہر گل خان کی عدالت نے سابق ایڈیشنل ڈائریکٹر کی درخواست ضمانت پر سماعت کی، جس کے بعد عدالت نے چوہدری سرفراز کو ضمانت پر رہا کرنے کا فیصلہ سنایا۔
وکیل صفائی نے بتایا کہ دیگر ملزمان کی ضمانتیں پہلے ہی منظور ہو چکی ہیں۔
واضح رہے کہ معروف یوٹیوبر ڈکی بھائی کی گرفتاری کے بعد اختیارات کے ناجائز استعمال اور رشوت لینے کے الزامات کے تحت این سی سی آئی اے کے سابق ایڈیشنل ڈائریکٹر سمیت دیگر افراد کو معطل کرکے مقدمہ درج کیا گیا اور بعد ازاں گرفتار کیا گیا تھا۔
