لاکھوں پاکستانی موبائل صارفین کے لیے ریلیف کی خبر ہے کیونکہ پاکستان ٹیلی کمیونیکیشن اتھارٹی (PTA) نے غیر متوقع اور اضافی موبائل ڈیٹا چارجز سے متعلق اہم ہدایت جاری کی ہیں۔
مزید پڑھیں:واٹس ایپ ہیکنگ کے بڑھتے واقعات، پی ٹی اے نے عوامی آگاہی کے لیے معلوماتی ویڈیو جاری کردی
پی ٹی اے نے بتایا کہ بہت سے صارفین اپنے ڈیٹا پیک ختم ہونے کے باوجود انٹرنیٹ استعمال جاری رکھتے ہیں، جس کی وجہ سے پے ایز یو گو (Pay-As-You-Go) چارجز لاگو ہوتے ہیں اور بیلنس بغیر واضح اطلاع کے تیزی سے کم ہو جاتا ہے۔
اس مسئلے کے حل کے لیے پی ٹی اے نے تمام بڑی موبائل نیٹ ورکس پر دستیاب Balance Save اور (PayG Blocker)سروس کی اہمیت اجاگر کی ہے۔ یہ سروس خودکار طور پر انٹرنیٹ کو بند کر دیتی ہے جب صارف کا ڈیٹا پیک ختم ہو جائے، تاکہ اضافی چارجز سے بچا جا سکے۔
صارفین یہ سروس آسانی سے نیٹ ورک کے فراہم کردہ کوڈز کے ذریعے فعال کر سکتے ہیں۔ جاز صارفین کت لیے کوڈ *275# ، زونگ کے لیے *4004#، یوفون *6611# ، ٹیلی نار کے لیے *342# ہے۔
پی ٹی اے نے اس بات پر زور دیا کہ صارفین کو اپنے موبائل خرچ پر مکمل کنٹرول حاصل رہے اور وہ غیر متوقع چارجز سے محفوظ رہیں۔ یہ اقدام شفافیت اور صارفین کے حقوق کے تحفظ کے لیے جاری کوششوں کا حصہ ہے۔
مزید پڑھیں:نیلامی کا تیسرا راؤنڈ مکمل؛ 5جی اسپیکٹرم کی فروخت سے پی ٹی اے کو 507 ملین ڈالر حاصل
پی ٹی اے نے صارفین کو ترغیب دی ہے کہ وہ فوراً یہ سروس فعال کریں تاکہ اپنے موبائل بیلنس اور ڈیٹا کے استعمال پر بہتر کنٹرول حاصل کر سکیں۔
