پاکستان ٹیلی کمیونیکیشن اتھارٹی(پی ٹی اے) نے اعلان کیا ہے کہ ملک میں 5جی سروس اب باقاعدہ دستیاب ہے، صارفین اپنے موبائل فونز پر یہ سروس فعال کر کے تیز رفتار انٹرنیٹ استعمال کرسکیں گے۔
یہ بھی پڑھیں: پی ٹی اے نے جاز، یوفون اور زونگ کو 5جی سروس شروع کرنے کی منظوری دیدی
پی ٹی اے کے مطابق 5جی سروس استعمال کرنے کے لیے ضروری ہے کہ موبائل فون اس فیچر کو اسپورٹ کرے اور صارف 5جی کے دائرہ کار میں موجود ہو۔
صارفین کو ہدایت کی گئی ہے کہ موبائل فون کی ترتیبات میں جاکر موبائل نیٹ ورک کا آپشن منتخب کریں اور اپنی سم پر 5جی فیچر فعال کریں۔ اگر 5جی کا آپشن نظر نہ آئے تو اس کا مطلب ہے کہ فون میں یہ فیچر موجود نہیں۔
یہ بھی پڑھیں: 5جی اسپیکٹرم نیلامی مکمل: ٹیکنالوجی کا نیا میدان پاکستان کے لیے کون سے مواقع پیدا کر سکتا ہے؟
کنیکٹیویٹی کے مسائل کے حل کے لیے صارفین فون کو ری اسٹارٹ کریں، نیٹ ورک کی ترتیبات تازہ کریں یا اپنے نیٹ ورک فراہم کنندہ سے رابطہ کریں۔
ٹیلی کمیونیکیشن اتھارٹی نے صارفین کو ہدایت دی ہے کہ ڈیجیٹل دنیا میں محتاط رہیں اور اپنی معلومات کے تحفظ کو یقینی بنائیں۔
