’شوگر ڈیڈی‘ کو سنجیدگی سے نہ لیں، ان سے صرف مالی فائدے لیں، ماڈل زینب کا نوجوان لڑکیوں کو مشورہ

ماڈل زینب نے نوجوان لڑکیوں کو شوگر ڈیڈیز کے تعلقات میں محتاط رہنے کی ہدایت دی ہے اور کہا ہے کہ انہیں اس نوعیت کے تعلقات کو سنجیدگی سے نہیں لینا چاہیے۔

ایک حالیہ انٹرویو میں زینب نے کہا کہ بعض لڑکیاں شوگر ڈیڈی کو شادی کے لیے سنجیدگی سے لیتی ہیں لیکن ان کا موقف ہے کہ یہ تعلقات محض مالی فائدے کے لیے استعمال کیے جائیں۔ ان کے مطابق ’شوگر ڈیڈی کو سنجیدگی سے مت لیں، محبت کے چکر میں نہ پڑیں۔ وہ پہلے سے شادی شدہ اور بچوں والے ہوتے ہیں، جتنا ہو سکے مالی فائدہ اٹھائیں‘۔

شوگر ڈیڈی کو سیریس مت لیں، جتنا ہو سکے انہیں کھائیں، تحفے میں بیگز لینے کی بجائے کیش لیں، ماڈل زینب کا لڑکیوں کو مشورہ pic.twitter.com/p7TQI92PZk

— Muqadas Farooq Awan (@muqadasawann) March 25, 2026

زینب نے کہا کہ تحائف کے بجائے کیش لینا زیادہ مناسب ہے تاکہ کسی بھی وقت مالی خودمختاری برقرار رہے۔ انہوں نے خبردار کیا کہ بیگز یا پرفیوم جیسی چیزیں لینے کی عادت نوجوان لڑکیوں کو مشکلات میں ڈال سکتی ہے، خصوصاً جب شوگر ڈیڈی دستیاب نہ ہوں تو ان کو نشوں کی لت لگ جاتی ہے۔

انہوں نے شوگر آنٹیز کی مثال بھی دی اور بتایا کہ ایک جاننے والے نے ایک لگژری گاڑی لینڈ کروزر حاصل کی تھی جو بعد میں واپس لے لی گئی کیونکہ تعلق ختم ہو گیا، جس سے ان کا لائف سٹائل متاثر ہوا۔

یہ بھی پڑھیں: ’میرا خون لے لو‘، لاہور میں ذہنی مریض شادمان سے ایمبولینس چلا کر شاہدرہ اسپتال جا پہنچا

صارفین زینب یوسف کے بیانات پر شدید تنقید کرتے نظر آ رہے ہیں، کسی نے کہا کہ یہ معاشرتی گراوٹ کی انتہا ہے اور کوئی یہ کہتا نظر آیا کہ یہ بہت شرمناک بیان ہے اور انہیں ایسے بیانات دیتے ہوئے شرم آنی چاہیے۔

واضح رہے کہ شوگر ڈیڈی ایک ایسا عمر رسیدہ یا مالی طور پر خوشحال مرد ہوتا ہے جو کسی نوجوان لڑکی یا لڑکے کو مالی مدد یا قیمتی تحائف دیتا ہے اور اس کے بدلے میں رومانوی تعلقات رکھتا ہے۔