پاکستان ایئرپورٹس اتھارٹی (پی اے اے) نے 25 سے 29 مارچ کے دوران بارش، تیز ہواؤں اور گرج چمک کی پیشگوئی کے پیش نظر ملک بھر کے ہوائی اڈوں پر خصوصی احتیاطی تدابیر اختیار کرنے کی ہدایات جاری کر دی ہیں۔
پی اے اے کے مطابق کراچی سمیت سندھ کے مختلف علاقوں میں 25، 26، 28 اور 29 مارچ کو بارش اور گرج چمک متوقع ہے، جس کے باعث کراچی ایئرپورٹ سمیت دیگر ہوائی اڈوں پر حفاظتی اقدامات مزید سخت کرنے کی ہدایت دی گئی ہے۔ اتھارٹی نے پارک کیے گئے طیاروں کو محفوظ بنانے، کیڑے مکوڑوں اور پرندوں سے نمٹنے کے لیے مؤثر اقدامات یقینی بنانے اور تمام متعلقہ حکام کو الرٹ رہنے کی ہدایت کی ہے۔
⚠️ Jinnah Airport Weather Advisory: Rain, winds & thunderstorms expected in Karachi on 25-26 & 28-29 March 2026.
Precautionary measures activated: Secure aircraft, clear drains, boost bird control & keep emergency teams ready.
Stay safe & vigilant! 🌧️#KarachiRain #WeatherAlert pic.twitter.com/8yPCERibU6— Pakistan Airports Authority (@Pk_PAA_Official) March 26, 2026
جناح انٹرنیشنل ایئرپورٹ پر ہلکے طیاروں کو محفوظ جگہوں پر باندھنے اور کھلے یا بکھرے سامان کو فوری طور پر محفوظ کرنے کی تاکید کی گئی ہے، جبکہ ایئر سائیڈ انسپکٹرز، برڈ شوٹرز کی تعیناتی اور فیومی گیشن جیسے اقدامات کو یقینی بنانے کا حکم دیا گیا ہے۔
یہ بھی پڑھیں:بلوچستان میں بارشوں کا نیا سلسلہ متوقع، کراچی بھی متاثر ہوگا، محکمہ موسمیات کی وارننگ
مزید برآں خراب موسم کی صورت میں نکاسی آب کے نظام کو فعال رکھنے، رن وے کی حالت (فریکشن) کی جانچ، اور الیکٹریکل کیبلز و لائٹس کی خصوصی نگرانی کی ہدایات بھی جاری کی گئی ہیں۔
پی اے اے نے فالو می وین، ریسکیو اینڈ فائر فائٹنگ سروسز (آر ایف ایف ایس) اور آپریشنل عملے کو ہر وقت الرٹ رہنے کی ہدایت دیتے ہوئے کہا ہے کہ فضائی آپریشنز کو ہر صورت محفوظ بنایا جائے۔
