معروف اداکار حمزہ علی عباسی نے اپنی بہن سے متعلق زیرِ بحث کیس میں نام جوڑے جانے پر وضاحتی بیان جاری کرتے ہوئے کہا ہے کہ ان کا اس معاملے سے کوئی تعلق نہیں اور وہ کسی بھی قسم کی تحقیقات کا حصہ نہیں ہیں۔
کیس سے مکمل لاتعلقی کا اعلان
حمزہ علی عباسی نے اپنے بیان میں واضح کیا کہ حالیہ خبروں میں ان کا نام ان کی بہن ڈاکٹر فضیلہ عباسی سے متعلق الزامات کے ساتھ جوڑا جا رہا ہے، جو درست نہیں۔
یہ بھی پڑھیں ڈاکٹر فضیلہ عباسی منی لانڈرنگ کیس: لاکھوں ڈالر بیرون ملک منتقل ہونے کا انکشاف
انہوں نے دو ٹوک انداز میں کہا کہ وہ نہ تو کسی ادارے کی تحقیقات کا حصہ ہیں اور نہ ہی اس کیس میں کسی حیثیت سے شامل ہیں۔
بہن کی حمایت
انہوں نے اپنی بہن کو ایک کامیاب اور باصلاحیت پروفیشنل قرار دیتے ہوئے کہا کہ وہ بطور بھائی ان کے ساتھ کھڑے ہیں۔
Updated version of my statement for more clarity. Thank you ❤️ pic.twitter.com/f5tC1gSndP
— Hamza Ali Abbasi (@iamhamzaabbasi) March 28, 2026
ان کا کہنا تھا کہ انہیں اپنی بہن کی دیانتداری پر مکمل اعتماد ہے اور وہ سمجھتے ہیں کہ ان کا مؤقف بھی سنا جانا چاہیے۔
اداروں پر اعتماد کا اظہار
حمزہ علی عباسی نے کہا کہ انہیں یقین ہے کہ متعلقہ ادارے انصاف کو یقینی بنائیں گے اور سچ سامنے آئے گا۔
ساتھ ہی انہوں نے واضح کیا کہ ان کی بہن کے پیشہ ورانہ اور قانونی معاملات ان سے مکمل طور پر الگ ہیں۔
یہ بھی پڑھیے 25 ارب روپے ٹرانزیکشنز کیس، اسلام آباد ہائیکورٹ نے اداکار حمزہ عباسی کی ٹک ٹاکر بہن کو بڑا ریلیف دیدیا
انہوں نے میڈیا سے درخواست کی کہ ان سے اس کیس سے متعلق سوالات نہ کیے جائیں کیونکہ وہ اس معاملے میں فریق نہیں ہیں۔
انہوں نے خبردار کیا کہ آئندہ اگر ان کا نام اس کیس کے ساتھ جوڑا گیا تو وہ قانونی کارروائی کا حق استعمال کریں گے۔
حمزہ علی عباسی کے بیان کے بعد یہ واضح ہو گیا ہے کہ وہ اس کیس سے خود کو مکمل طور پر الگ سمجھتے ہیں، جبکہ اپنی بہن کی حمایت اور انصاف کے عمل پر اعتماد کا اظہار بھی کیا ہے۔
