تحریک انصاف کے صدر اور سابق وزیراعلیٰ پنجاب چوہدری پرویز الہٰی کے ترجمان اقبال چوہدری کو رہا کر دیا گیا ہے، انہیں آج صبح گوجرانوالہ سے حراست میں لیا گیا تھا۔ تاہم ابتدائی پوچھ گچھ کے بعد انہیں رہا کر دیا گیا ہے۔
پولیس کے مطابق اقبال چوہدری کو چوہدری پرویز الہٰی کی پیشی سے قبل احاطہ عدالت سے حراست میں لے کر پولیس وین میں نامعلوم مقام پر منتقل کر دیا گیا تھا۔ سابق وزیراعلیٰ پنجاب چودھری پرویز الہٰی کو ترقیاتی سکیموں میں 2 ارب روپے مبینہ رشوت لینے کے الزام میں آج اینٹی کرپشن کورٹ گوجرانوالہ میں پیش ہونا تھا، اقبال چوہدری ان سے ملنے آئے تھے۔
یاد رہے کہ گزشتہ روز لاہور میں عدالت نے ترقیاتی منصوبوں میں کرپشن کے کیس میں چوہدری پرویزالہٰی کو بری کیا تھا جس کے فوری بعد پولیس نے انہیں دوسرے مقدمے میں گرفتار کر لیا تھا۔
