چین کے نائب وزیر خارجہ سن ویڈونگ کا بنگلہ دیش کا طے شدہ دورہ ان کی حالیہ ترقی کے باعث مؤخر کر دیا گیا ہے۔ سفارتی ذرائع کے مطابق وہ 2 اپریل کو ڈھاکا پہنچنے والے تھے جہاں انہیں بنگلہ دیش اور چین کے درمیان خارجہ سیکریٹری سطح کے مذاکرات میں شرکت کرنا تھی۔
مزید پڑھیں: آئرن برادر پاکستان کی ترقی و سالمیت کے تحفظ کے لیے ساتھ کھڑے ہیں، نائب چینی وزیر خارجہ
ذرائع کے مطابق بیجنگ نے 28 مارچ کو ڈھاکا کو آگاہ کیا کہ سن ویڈونگ کو مکمل وزارتی عہدے پر ترقی دی گئی ہے، جس کے باعث ان کی مجوزہ شرکت ممکن نہیں رہی۔ اس پیشرفت کے بعد دونوں ممالک نے 29 مارچ کو باہمی مشاورت سے مذاکرات مؤخر کرنے کا فیصلہ کیا۔
حکام کے مطابق دورے اور مذاکرات کی نئی تاریخوں کا اعلان تاحال نہیں کیا گیا۔
