اٹلی کے شمالی شہر پارما کے قریب واقع ایک عجائب گھر سے فرانسیسی مصوروں کی 3 قیمتی پینٹنگز چوری کر لی گئی ہیں۔
مقامی پولیس کے مطابق چوری شدہ ان فن پاروں کی مجموعی مالیت تقریباً ایک کروڑ ڈالر بتائی جا رہی ہے۔
یہ بھی پڑھیں: دنیا کے عجائب گھروں میں ہونے والی 10 بڑی چوریاں
کارابینیری پولیس کے مطابق چوری کا واقعہ 22 اور 23 مارچ کی درمیانی شب میں پیش آیا، جب نامعلوم ملزمان مرکزی دروازہ توڑ کر اندر داخل ہوئے۔
𝐓𝐡𝐢𝐞𝐯𝐞𝐬 𝐬𝐭𝐞𝐚𝐥 𝐑𝐞𝐧𝐨𝐢𝐫, 𝐂é𝐳𝐚𝐧𝐧𝐞 𝐚𝐧𝐝 𝐌𝐚𝐭𝐢𝐬𝐬𝐞 𝐩𝐚𝐢𝐧𝐭𝐢𝐧𝐠𝐬 𝐰𝐨𝐫𝐭𝐡 𝐦𝐢𝐥𝐥𝐢𝐨𝐧𝐬 𝐟𝐫𝐨𝐦 𝐈𝐭𝐚𝐥𝐢𝐚𝐧 𝐦𝐮𝐬𝐞𝐮𝐦: Four masked individuals executed a swift, organized heist at the Magnani Rocca Foundation near Parma, Italy, on the… pic.twitter.com/UdR8ZXBNn2
— Ranked News (@RankedNews) March 30, 2026
پولیس نے بتایا کہ چور معروف پینٹر پال سیزان کی پینٹنگ ’چیریوں کا کپ اور پلیٹ‘، پیئر آگسٹ رینواں کی ’مچھلیاں‘ اور ہینری مٹیس کی ’چھت پر اوڈالسک‘ اپنے ساتھ لے گئے۔
اطالوی سرکاری نشریاتی ادارے آر اے آئی نے رپورٹ کیا کہ چوری شدہ فن پاروں کی مالیت تقریباً 9 ملین یورو یعنی 10.34 ملین ڈالر ہے، تاہم پولیس نے اس رقم کی باضابطہ تصدیق نہیں کی۔
مزید پڑھیں: ’مصور سیفی سومرو کی پینٹنگز فریئر ہال میں موجود، چوری نہیں ہوئیں‘
عجائب گھر کی انتظامیہ کے مطابق پوری واردات 3 منٹ سے بھی کم وقت میں مکمل کی گئی۔ یہ میوزیم موسیقی کے مرحوم نقاد لوجی منجانی کے ذاتی مجموعے پر مشتمل ہے۔
ادارے کی ویب سائٹ کے مطابق اس کلیکشن میں پیٹر پال روبنز، کلاڈ مونے، جوانی بتستا تھیپولو، فرانسسکو گویا، اور جارجیو مورانڈی کے فن پارے بھی شامل ہیں۔
