امریکی صدر ڈونلڈ ٹرمپ نے ایران کی قیادت سے متعلق غیر یقینی صورتحال پر بات کرتے ہوئے کہا ہے کہ نئے سپریم لیڈر مجتبیٰ خامنہ ای کے بارے میں حتمی طور پر کچھ نہیں کہا جا سکتا تاہم ان کے بقول وہ غالباً زندہ ہیں مگر شدید زخمی یا کمزور حالت میں ہیں۔
یہ بھی پڑھیں: مذاکرات جلد کامیاب نہ ہوئے تو ایران کے توانائی مراکز کو نشانہ بنائیں گے، امریکی صدر ڈونلڈ ٹرمپ
امریکی اخبار کو دیے گئے انٹرویو میں ٹرمپ نے کہا کہ ایران میں نئی قیادت سامنے آئی ہے اور بظاہر یہ لوگ پہلے کے مقابلے میں زیادہ معقول نظر آ رہے ہیں۔
انہوں نے کہا کہ امریکا اس وقت ایران میں موجود نئے عناصر کے ساتھ معاملات کر رہا ہے۔
’جلد واضح ہوجائے گا کہ ایرانی قیادت تعاون کرتی ہے یا نہیں‘
صدر ڈونلڈ ٹرمپ کے مطابق جلد یہ واضح ہو جائے گا کہ آیا ایرانی قیادت امریکا کے ساتھ تعاون کے لیے تیار ہے یا نہیں۔
مزید پڑھیے: مشرق وسطیٰ میں جاری جنگ کو صرف صدر ٹرمپ ہی روک سکتے ہیں، مصری صدر عبدالفتاح السیسی
انہوں نے مزید کہا کہ ایران میں حکومت کی صورتحال تبدیل ہو چکی ہے اور موجودہ حالات میں امریکا نئی قیادت کے ساتھ تعلقات کے حوالے سے پیشرفت کا جائزہ لے رہا ہے۔
