پاکستان اور افغانستان میں گزشتہ 5 دنوں کے دوران ہونے والی شدید بارشوں، سیلاب اور لینڈ سلائیڈنگ کے باعث کم از کم 45 افراد جاں بحق ہوگئے ہیں۔
مزید پڑھیں:ایتھوپیا میں شدید بارشوں اور لینڈ سلائیڈنگ سے ہلاکتیں، پاکستان کا اظہار افسوس
پاکستان کے صوبہ خیبر پختونخوا میں شدید بارشوں نے تباہی مچائی، جہاں 17 افراد جاں بحق اور 56 زخمی ہوئے۔
ادھر افغانستان نیشنل ڈیزاسٹر مینجمنٹ اتھارٹی کے مطابق افغانستان میں 28 افراد ہلاک اور 49 زخمی ہوئے، جبکہ 100 سے زائد مکانات تباہ ہوگئے۔
اموات کی زیادہ تر اطلاعات صوبوں پروان، میدان وردک، دایکندی اور لوگر سے موصول ہوئیں۔
حکام کا کہنا ہے کہ ملک کے مختلف حصوں میں موسم اب بھی غیر مستحکم ہے اور مزید بارشوں اور سیلاب کا خطرہ برقرار ہے۔ مجموعی طور پر 1,140 خاندان متاثر ہوئے ہیں۔
قدرتی آفات کے ماہرین کے مطابق افغانستان شدید موسمی حالات، خصوصاً بارشوں اور مون سون کے دوران سیلاب اور لینڈ سلائیڈنگ کا شکار رہتا ہے، جس کی بڑی وجہ کمزور انفراسٹرکچر ہے۔
مزید پڑھیں:بھارت اور نیپال میں طوفانی بارشوں سے تباہی، 60 سے زیادہ ہلاکتیں
حکام نے شہریوں کو ہدایت کی ہے کہ وہ دریاؤں اور سیلابی ریلوں سے دور رہیں اور موسمی پیشگوئیوں پر سختی سے عمل کریں
