بالی ووڈ اداکارہ سونم کپور نے اپنے دوسرے بیٹے کی پیدائش کے بعد مداحوں کے ساتھ پہلی جھلک شیئر ہے۔
فوٹو اینڈ ویڈیو شیئرنگ ایپ انسٹاگرام پر شیئر کی گئی تصاویر میں اداکارہ اسپتال کے بستر پر اپنے نوزائیدہ کو سینے سے لگائے ہوئے نظر آئیں۔
View this post on Instagram
تصاویر کے ساتھ سونم نے ایک جذباتی پیغام بھی لکھا جس میں انہوں نے طبی عملے کا شکریہ ادا کیا جنہوں نے ان کے بیٹے کی محفوظ پیدائش کو ممکن بنایا۔ ان کا کہنا تھا کہ ’الفاظ سے بڑھ کر شکر گزار ہوں خاص طور پر اپنی ڈاکٹر کی جنہوں نے ان کی حمل کے دوران رہنمائی کی۔
سونم نے کہا کہ ان کی دیکھ بھال میں اعتماد، سکون اور اطمینان کا ایک ایسا احساس ہے جو بہت کم ملتا ہے اور میں ان کی حمایت، دانشمندی اور مہربانی کی بے حد شکر گزار ہوں۔
یہ بھی پڑھیں: انیل کپور پھر نانا بن گئے، سونم کپور کے ہاں بیٹے کی پیدائش
انہوں نے اسپتال کے دیگر عملے کا بھی شکریہ ادا کیا اور ان کی پیشہ ورانہ مہارت کے ساتھ ساتھ ان کے خلوص اور ہمدردی کو سراہا۔ ان کا کہنا تھا کہ یہ وہ چیز نہیں جو ہمیشہ اسپتال میں دیکھنے کو ملتی ہے، مگر ہونی چاہیے، اور اس نے میرے تجربے کو بے حد خاص بنا دیا ہے۔ اس پوسٹ پر مداحوں اور مشہور شخصیات کی جانب سے نیک خواہشات کا اظہار کیا جا رہا ہے۔
واضح رہے کہ بالی ووڈ اداکارہ سونم کپور اور ان کے شوہر آنند آہوجا کے ہاں دوسرے بچے کی پیدائش 29 مارچ 2026 کو بیٹے کی پیدائش ہوئی۔
یہ بھی پڑھیں: بالی ووڈ اداکارہ سونم کپور کو فواد خان کی یاد کیوں ستانے لگی؟
خوشخبری اپنے مداحوں کے ساتھ شیئر کرتے ہوئے انہوں نے اپنے انسٹاگرام اکاؤنٹ پر ایک محبت بھرا پیغام لکھتے ہوئے کہا کہ انتہائی شکرگزاری اور محبت سے بھرے دلوں کے ساتھ ہم آج 29 مارچ 2026 کو اپنے بیٹے کی آمد کا اعلان کرتے ہوئے بے حد خوش ہیں۔
پوسٹ میں مزید لکھا گیا کہ ہماری فیملی میں اضافہ ہوا ہے اور اس کی آمد کے ساتھ ہمارے دل بھی خوبصورت انداز میں وسیع ہو گئے ہیں۔ ہمارا بڑا بیٹا ‘وایو’ اپنے چھوٹے بھائی کو خوش آمدید کہنے پر بے حد خوش ہے، اور ہم اس نئی زندگی کے لیے خود کو خوش قسمت محسوس کر رہے ہیں جس نے ہمارے گھر کو خوشیوں اور برکتوں سے بھر دیا ہے۔
یاد رہے کہ سونم کپور اور کاروباری شخصیت آنند آہوجہ 2018 میں ممبئی میں ایک روایتی سکھ تقریب میں رشتہ ازدواج میں منسلک ہوئے تھے۔ جوڑے کے ہاں پہلے بیٹے ‘وایو کپور آہوجہ’ کی پیدائش 2022 میں ہوئی تھی۔
