نائب وزیراعظم و وزیر خارجہ سینیٹر محمد اسحاق ڈار نے سعودی عرب کے وزیر خارجہ شہزادہ فیصل بن فرحان سے ٹیلیفونک رابطہ کیا، دونوں رہنماؤں نے خطے کی صورتحال اور اسلام آباد میں ہونے والے حالیہ مذاکرات میں ہونے والی پیش رفت پر تفصیلی تبادلہ خیال کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Saudi Arabia’s Foreign Minister, Prince Faisal bin Farhan @FaisalbinFarhan.
DPM/FM shared developments regarding the Islamabad Talks. He stressed the importance of all parties… pic.twitter.com/JlNqMoMcAp
— Ministry of Foreign Affairs – Pakistan (@ForeignOfficePk) April 12, 2026
ترجمان دفترِ خارجہ کے مطابق نائب وزیراعظم نے سعودی ہم منصب کو اسلام آباد مذاکرات کے حوالے سے ہونے والی حالیہ پیشرفت سے آگاہ کیا۔ انہوں نے اس بات پر زور دیا کہ تمام فریقین کے لیے یہ انتہائی ضروری ہے کہ وہ جنگ بندی کے حوالے سے کیے گئے اپنے وعدوں پر سختی سے عمل پیرا رہیں۔
یہ بھی پڑھیں: فون کالز کی سفارتی مہم: امریکا ایران جنگ بندی تک شہباز شریف اور اسحاق ڈار کی رابطہ کاری کا سلسلہ
اسحاق ڈار نے مذاکرات کی سہولتکاری میں پاکستان کے کلیدی کردار پر روشنی ڈالتے ہوئے اس عزم کا اعادہ کیا کہ پاکستان خطے اور اس سے باہر امن و استحکام کے فروغ کے لیے تمام سفارتی کوششوں اور بات چیت کے عمل کی حمایت جاری رکھے گا۔
