برطانیہ کی وزیرِ خزانہ ریچل ریوز نے امریکا کی ایران سے متعلق جنگی حکمت عملی پر شدید ناراضی کا اظہار کرتے ہوئے کہا ہے کہ وہ اس صورتحال پر بہت مایوس اور غصے میں ہیں۔
یہ بیان برطانوی اخبار ڈیلی مرر کو دیے گئے انٹرویو میں سامنے آیا۔
یہ بھی پڑھیں: آبنائے ہرمز کی ناکہ بندی شروع کردی،امریکا بلیک میلنگ قبول نہیں کرے گا: ڈونلڈ ٹرمپ
ریچل ریوز نے کہا کہ یہ ایسی جنگ ہے جسے برطانیہ نے نہ شروع کیا اور نہ ہی وہ اس کا خواہاں تھا۔
ان کے مطابق امریکا اس جنگ میں واضح حکمتِ عملی، مقاصد اور انخلا کے منصوبے کے بغیر داخل ہوا جو ایک بڑی غلطی ہے۔
انہوں نے زور دیتے ہوئے کہا کہ ہمیں یہ معلوم ہی نہیں کہ اس جنگ کا مقصد کیا ہے یا اس کا اختتام کیسے ہوگا جس کی وجہ سے صورتحال مزید پیچیدہ ہو گئی ہے۔
مزید پڑھیے: آبنائے ہرمز کھولنے کے لیے برطانیہ کا بڑا اقدام، 35 ممالک کا اجلاس طلب
انہوں نے مزید کہا کہ اس غیر واضح پالیسی کے نتیجے میں اہم بحری گزرگاہ آبنائے ہرمز بھی متاثر ہوئی ہے اور اب یہ بند ہو چکی ہے جس کے عالمی اثرات مرتب ہو سکتے ہیں۔
