پاکستانی اداکار کنور ارسلان نے شوبز انڈسٹری اور اداکاری کے پیشے کے حوالے سے اپنے خیالات کا اظہار کرتے ہوئے کہا ہے کہ ابتدا میں انہیں لگتا تھا کہ ایکٹنگ میں زیادہ ذہانت یا علمی صلاحیت کی ضرورت نہیں ہوتی تاہم بعد میں ان کا یہ تاثر بدل گیا۔
ایک حالیہ پوڈکاسٹ میں گفتگو کرتے ہوئے انہوں نے کہا کہ مجھے لگتا تھا کہ ایکٹنگ میں عقل کی ضرورت نہیں ہے اور کمال بات یہ ہے کہ ایکٹرز میں زیادہ عقل ہے بھی نہیں آپ کسی بھی موضوع پر بات کر کے دیکھیں ان کو نالج نہیں ہے۔
View this post on Instagram
انہوں نے مزید کہا کہ ان کے نزدیک یا تو انسان اپنے فیلڈ میں نمایاں مقام حاصل کرے جیسے شاہ رخ خان یا پھر کسی اور شعبے کا انتخاب کرے درمیان کی کیفیت میں مستقل کامیابی حاصل کرنا مشکل ہوتا ہے۔
کنور ارسلان نے یہ بھی بتایا کہ ان کا آغاز ہی سے مقصد مالی طور پر مستحکم ہونا تھا اور وہ بطور اداکار پیسہ کمانے کی کوشش کرتے رہے، تاہم بعد میں انہیں احساس ہوا کہ صرف اداکاری کے ذریعے بڑے مالی فوائد حاصل کرنا ہر کسی کے لیے ممکن نہیں ہوتا۔ ان کے مطابق شوبز انڈسٹری میں بڑی تعداد ایسے فنکاروں کی ہے جو نسبتاً کم وسائل والے پس منظر سے تعلق رکھتے ہیں اور 90 فیصد فنکاروں کا تعلق ایک غریب طبقے سے ہے لوگ گردے بیچ کر امار میں رہ رہے ہیں۔
